ACTIVDADES EN LINGUA INGLESA: TARDES DOS LUNS

Como todos os cursos, o IES Plurilingüe Elviña organiza actividades extraescolares para a práctica e aprofondamento na lingua inglesa impartidas por unha docente do Dpto. de inglés e por un auxiliar de conversa nativo. Estas actividades teñen como principal obxectivo a práctica e a mellora da aprendizaxe oral desta lingua, fundamental como vehículo de comunicación en varias materias do noso centro. O alumnado participante terá a oportunidade de practicar a súa destreza oral en inglés ao tempo que progresa e traballa nas distintas actividades propostas.

     Estas actividades realizaranse fóra do horario lectivo, todos os luns laborais desde as 16:10 horas ata as 17:00 horas (1º e 2º ESO) e desde as 17:00 horas ata as 17:50 (3º e 4º ESO). Son gratuítas e abertas a todo o alumnado que desexe participar e sexa autorizado polos seus responsables familiares. Ofertaranse un total de 40 prazas (20 para 1º e 2º ESO e 20 para 3º e 4º). No caso de ter máis solicitudes que prazas sortearanse entre os solicitantes priorizando ao alumnado que non teña sancións académicas. As actividades comezarán oficialmente a principios de outubro.

Inicio do curso 2024-25

Información sobre grupos de alumnado

    O día 11 de setembro a partir das 08:40 horas procederase ao inicio do curso en todos os cursos de ESO e Bacharelato. O alumnado de todos os niveis pasará dúas sesións cos seus titores e terá ao longo da mañá as súas primeiras clases en varias materias. Haberá, polo tanto, clase normal ata a hora de saída ás 14:10 horas [Ver Horario diario do centro].

CONFORMACIÓN
DE GRUPOS

     Para as familias que dispoñen de Abalar, o grupo no que estará asignado o/a seu/súa fillo/a será visible na propia aplicación ao longo desta tarde segundo as listaxes de alumnado vaian sendo definitivas. Bastará con consultar a aplicación.

AULAS ASIGNADAS
AOS GRUPOS

     Os grupos de cada nivel estarán asignados a unha aula de referencia durante todo o curso. As aulas de referencia para os grupos de 2º, 3º, 4º e Bacharelato se reflicten no cadro. Os grupos de 1º de ESO entrarán directamente ao Salón de actos ás 08:45 horas e desde alí irán cos titores ás súas aulas.

As aulas están indicadas en cada andar.

PROCEDEMENTO DE ENTRADA AO
CENTRO O PRIMEIRO DÍA DE CLASE

Ver a anterior publicación nesta mesma WEB.

Primeiro día de Curso 24/25

*     *     *

    O día 11 de setembro comezan as clases en educación secundaria. O IES Plurilingüe Elviña recibirá ao alumnado desde as 08:30 na primeira xornada lectiva co horario completo.

PROCEDEMENTO DE ENTRADA
E RECEPCIÓN DO ALUMNADO

     O procedemento de recepción do alumnado realizarase en dúas tandas, a partir das 08:30 horas da mañá do seguinte xeito:

a) ás 08:35, entrará ao centro pola porta principal todo o alumnado de 2º, 3º, 4º ESO e dos dous cursos de Bacharelato dirixíndose ás súas aulas respectivas onde, entre 08:40 e 10:20 terán dúas sesións iniciais cos docentes que exerzan a titoría de cada nivel. A/o titor/a informará ao alumnado do calendario escolar, dos procedementos de traballo no centro e do seu horario de curso. A partir da 3ª hora, o alumnado terá clase normal.

b) ás 08:45, despois da entrada de todos os demais grupos, entrará o alumnado de 1º ESO e se dirixirá ao salón de actos para unha recepción inicial. Posteriormente, os titores levarán a estes grupos ás súas aulas e farán unha sesión de presentación ata as 10:20 horas. Unha vez rematada a sesión inicial, o alumnado terá clase normal ata última hora (14:10 horas).