INTERNACIONALIZACIÓN

FIN DO PROXECTO "DERRUBANDO MUROS"

    Damos por finalizado o proxecto Erasmus+ KA101 cunha exposición, na planta baixa do centro, das múltiples actividades realizadas ao longo destes tres últimos anos.
    Na exposición explícanse as 10 mobilidades realizadas polo profesorado no estranxeiro para aprender novas metodoloxías (2 períodos por observación e 8 cursos de formación) e tamén as actividades levadas a cabo co alumnado como consecuencia do proxecto: un proxecto eTwinning (merecedor do selo de calidade eTwinning), as celebracións do Día de Europa durante 3 cursos académicos, visita de alumnado e profesorado italiano ao noso centro, concurso do diseño dun logo...
    Esperamos ter aberto a porta a futuras colaboración internacionais que permitan ao noso alumnado experimentar a inmersión intercultural e ter posto a disposición do alumnado as ferramentas axeitadas para desenvolver a súa creatividade e motivación.

XORNADA DE FAMILIAS E TITORES

IES PLURILINGÜE ELVIÑA

     Atendendo ao inicio do curso 2023-2024, o IES Plurilingüe Elviña realizará a habitual xornada de recepción das familias polos docentes titores. A xornada terá lugar o vindeiro xoves 5 de outubro a partir das 18:00 horas. Para axilizar o procedemento, as familias accederán ao centro en dúas quendas, segundo o nivel no que estean matriculados os/as seus/súas fillos/as.

a. A partir das 18:00 horas: as familias de 2º, 3º, 4º ESO e Bacharelato (excepto 2º Bach A) accederán directamente ás aulas en compaña dos docentes titores

b. A partir das 18:30 horas: as familias de 1º ESO accederán ao Salón de actos para unha pequena recepción previa por parte do equipo directivo e do Dpto. de orientación. Despois pasarán cos titores.

IMPORTANTE: debido á ausencia prevista do titor de 2º de Bacharelato A, a este grupo se lle citará co titor para o luns día 09 ás 18:00 horas

     Teñan en conta que o espazo nas aulas e no Salón é limitado, pregamos que non veñan acompañados para que poida acceder o meirande número de familias interesadas en asistir á presentación.

Contamos coa súa presenza!

Inicio do curso 2023-24

Información sobre grupos
de alumnado

    O luns día 11 de setembro a partir das 08:40 horas procederase ao inicio do curso en todos os cursos de ESO e Bacharelato. O alumnado de todos os niveis pasará unha sesión cos seus titores e terá ao longo da mañá as súas primeiras clases en varias materias. Haberá, polo tanto, clase normal ata a hora de saída ás 14:10 horas [Ver Horario diario do centro].

CONFORMACIÓN
DE GRUPOS

     Para as familias que dispoñen de Abalar, o grupo no que estará asignado o/a seu/súa fillo/a estará dispoñible na propia aplicación proximamente en canto as listaxes de alumnado sexan definitivas. Bastará con consultar a aplicación.

    Ademais, o luns a primeira hora haberá listaxes dispoñibles colgadas nas paredes da entrada para a súa consulta polo alumnado.

AULAS ASIGNADAS
AOS GRUPOS

     Os grupos de cada nivel estarán asignados a unha aula de referencia durante todo o curso. As aulas de referencia para os grupos de 2º, 3º, 4º e Bacharelato se reflicten no cadro. Os grupos de 1º de ESO entrarán directamente ao Salón de actos ás 08:45 horas e desde alí irán cos titores ás súas aulas.

As aulas estarán indicadas en cada andar.

PROCEDEMENTO DE ENTRADA AO
CENTRO O PRIMEIRO DÍA DE CLASE

Ver a anterior publicación nesta mesma WEB.