Fondo solidario de libros de texto e axudas para adquirir material escolar para o curso 23/24

Prazos de solicitude

• Alumnado con reserva de praza no centro: o prazo de solicitude iníciase o día 22 de maio e remata o día 21 de xuño.
• Alumnado de incorporación tardía: o alumnado que deba incorporarse ao centro fóra do prazo ordinario disporá dun mes de prazo para solicitar o Fondolibros contado a partir da formalización da súa matrícula. 
• Alumnado que repita 4º de ESO: se non tivese presentado solicitude de participación no fondo solidario no prazo ordinario, tamén poderá presentala no prazo de un mes desde a formalización da matrícula.

Lugares de presentación

• Vía electrónica. As solicitudes presentaranse preferentemente por vía electrónica nos formularios normalizados dispoñibles na aplicación Fondolibros da Consellería de Educación a través da Sede electrónica da Xunta de Galicia.
• No propio centro de ensino. Tamén poderán presentarse cubertos no centro de ensino no que estea admitido ou teña reserva de praza en horario de atención de administración (mañás de 09:00 a 13:30 horas).
• Rexistros oficiais. Poderán presentarse as solicitudes en calquera rexistro oficial dos establecidos na normativa reguladora do procedemento administrativo común.

Lémbrase que o alumnado de 1º e 2º da ESO non ten dereito ao fondo libros xa que ten EDIXGAL, mais si pode solicitar a axuda para material escolar. 

Ligazóns:

• Aplicación FondoLibros
• Orde do 10 de maio de 2023
• Instrucións
• Anexos I e II para presentación presencial