Recoñecemento á calidade 2017

Recentemente, o noso centro obtivo o recoñecemento á calidade 2017 no seu proxecto Erasmus + “Engaging students: STEM Clubs & Citizen Science” http://www.citizenscienceclub.com/, que se desenvolveu neste IES entre o ano 2014 e o 2016. Trátase dun premio otorgado polo Servicio Españo para la internacionalización de la Educación (SEPIE), Agencia Nacional del Programa Erasmus + de la U.E.

Grazas a este proxecto, puidemos crear no centro un STEM Club onde rapaces e rapazas participan en actividades de enxeñería e ciencia cidadá. Hoxe, algún destes rapaces xa non están no centro, mais continúan ligados ao club, axudando aos máis cativos a “aprender ciencia divertíndose”. Actualmente, ese club xa é unha asociación xuvenil organizada polos nosos ex – alumnos.

 Os nosos parabéns a todo o alumnado que colaborou no proxecto, ao seu coordinador e a toda a comunidade educativa do IES David Buján.