Skip to Content

O noso alumno Pablo Rodríguez García participou na Olimpíada Matemática Galega

Lun, 22/01/2024 - 10:54 — admin

O noso alumno Pablo Rodríguez García, de 2º BAC, participou o pasado venres día 19 na Olimpíada Matemática Galega, que se desenvolveu na Facultade de Matemáticas da USC.

A Olimpíada Matemática Galega é unha competición para o alumnado de bacharelato de Galicia que ten como obxectivo fundamental estimular o estudio das matemáticas descubríndoas fóra dos ríxidos temarios curriculares e dos chamados exercicios tipo, en definitiva, desenvolver o gusto pola resolución de problemas.

Este concurso constitúe a Fase Autonómica Galega da Olimpiada Matemática Española que convoca anualmente a Real Sociedad Matemática Española. As probas, organizadas pola Asociación Eduardo García-Rodeja Fernández, celébranse na Facultade de Matemáticas da Universidade de Santiago de Compostela, e nelas selecciónase ata 3 estudantes para representaren a Galicia na Fase Nacional.

Máis información sobre a Olimpiada Matemática.

Instrucións da Dirección Xeral de Centros e Recursos Humanos sobre o desenvolvemento do proceso de admisión de alumnado en centros docentes sostidos con fondos públicos para o curso académico 2024-2025

Lun, 22/01/2024 - 10:17 — admin

Poden acceder á Instrucións premendo na seguinte ligazón.

Xornadas de portas abertas para familias e alumnado de nova incorporación para o curso 2024/25

Mér, 17/01/2024 - 15:13 — admin

O día 16 de xaneiro celebraronse as As Xornadas de Portas Abertas para famílias e alumnado de nova incorporación no curso 2023/24. Asistiron numerosas familias dos centros de primaria adscritos e non adscritos.

Estas xornadas ofreceron a ocasión de coñecer mellor aspectos relacionados coa vida académica, visitar as aulas, laboratorios, Biblioteca ou instalacións para a práctica deportiva onde desenvolverán a súa actividade as alumnas e alumnos o próximo curso. O obxectivo foi axudarlles a afrontar con entusiasmo a súa nova etapa de formación na Educación Secundaria Obrigatoria.

 

Álbum: Outras Actividades -> Xornadas portas abertas

Admisión alumnado: normativa, prazos de solicitude e normas de presentación de instancias

Mar, 16/01/2024 - 10:36 — admin

No seguinte documento poden consultar a normativa do proceso de admisión de alumnado, así como os prazos de solicitude, as normas de presentación de instancias e calendarios.

RadioClic!, as novas ondas do instituto

Xov, 11/01/2024 - 17:38 — lauxac

O 9 de xaneiro de 2024, a maioría do alumnado de ESO 2º e 4º, así como de bac 2º, asistiu a unha actividade de formación impartida por Xavier Ramos Vieiro, profesor de Imaxe e son, e mais o seu alumnado, dentro dun novo programa de innovación en que participa o instituto: Radio na biblio. Aquí temos un vídeo feito pola profesora María José Nieto Calviño:

 

 

Calendario de probas de acceso a ciclos medios e superiores de FP - Convocatoria 2024

Xov, 11/01/2024 - 12:19 — admin

Premendo na seguinte ligazón poden acceder ao calendario de probas de acceso a ciclos medios e superiores de Formación Profesional, convocatoria 2024.

O alumnado de ESO 1º na biblioteca Ánxel Casal

Mér, 10/01/2024 - 22:13 — lauxac

O 10 de xaneiro de 2024, o alumnado de ESO 1ºA visitou a Biblioteca Pública de Santiago Ánxel Casal, onde fixo unha visita guiada e aprendeu a atopar os libros, a pedilos prestados e a devolvelos. Os grupos de ESO 1ºB e C farán esta mesma visita nos meses de febreiro e marzo.

Reunión informativa para as familias do alumnado que solicite a admisión en 1º ESO, para o curso 2024-25

Mér, 10/01/2024 - 21:04 — admin

Convocamos ás familias do alumnado que solicite a admisión en 1º ESO, para o curso 2024-25, a unha reunión informativa sobre a oferta educativa do centro e as súas normas de organización e funcionamento.

Esta terá lugar o 16 de xaneiro, ás 19:15 h, na Aula Magna do IES Arcebispo Xelmírez I.

O IES Arcebispo Xelmírez I foi galardoado co I Premio ConVivimos 2023 de convivencia e benestar emocional

Mér, 10/01/2024 - 11:43 — admin

O IES Arcebispo Xelmírez I foi galardoado co I Premio ConVivimos 2023 de convivencia e benestar emocional. Este galardón recoñece un traballo de anos, constante, moitas veces invisible, ao ser considerado un exemplo de boas prácticas sustentado no desempeño colectivo da xestión do conflito, a escoita activa, a asertividade, o recoñecemento e o manexo das emocións, a empatía, a diversidade sexual e a igualdade.


Parabéns a toda a comunidade educativa do IES Arcebispo Xelmírez, e en especial á arquitecta desta marabilla de proxecto, Carme Moure.

I Premio BREVITER de microrrelatos

Lun, 08/01/2024 - 09:41 — lauxac

O instituto convoca o I Premio BREVITER de microrrelatos. As obras poden presentarse até o 1 de marzo de 2024. As bases están no arquivo anexo.

 

Distribuir contido


by Dr. Radut