Última hora!

O martes 10 de outubro tivo lugar a presentación institucional do programa “Mentoring creativo”, enmarcado dentro do Proxecto de emprendemento creativo dende o ámbito local “República Creativa”. A charla dirixiuse ó alumnado de 4º ESO da materia de iniciación a actividades emprendedoras e empresariais e é unha das actividades que forman parte do Plan de Acción Titorial e do Plan de Orientación
Académica e Profesional do Centro.

Trátase dunha actividade que se desenvolve en  ectores relacionados coa creatividade en xeral, sector salientable que xenera un movemento económico de arredor de 3 millóns de euros anuais (só en Boiro). O noso obxectivo é presentar á xente moza e creativa unha alternativa de traballo no seu lugar de orixe.

Asistiron ó acto:
o Directora Xeral de Xuventude, Dna. Cecilia Vázquez Suárez
o Alcalde do Concello de Boiro, D. José Dieste Ortigueira
o María Magán, xerente de La Doce
o Orientadora do centro, Sabela Rodríguez García
o Representantes técnicos do Concello: Alberto García e Adriana Castro
o Director do centro: Mariano Muñiz Blanco

Antecedentes:

O Correo Galego faise eco do proxecto no que comezamos a fuchicar esta mesma semana: A Roda do Tempo. Unha reflexión sobre o uso que facemos do tempo, particularmente do que adicamos ó noso entorno, a nós mesmas e á nosa xente; unha apelación a non perdernos nas redes sociais e o mundo virtual e, pola contra, repensar o noso papel na natureza e na sociedade. Como eixo vertebrador empregaremos o calendario celta, quen dado o seu apego á terra organizaban as súas festividades en torno a 8 eventos vencellados co sol, o cultivo e a recolleita.