O CRA Ponte da Pedra

CURSO 2020-2021

Benqueridas familias,

desde o equipo docente queremos darvos a benvida ao inicio dun novo curso escolar.

Entendemos as inquedanzas, as dúbidas e as incertezas que supón o regreso ás aulas despois dun curso tan anómalo como foi o anterior.

Para o claustro do C.R.A., o máis importante é o benestar e a saúde das vosas fillas e fillos e niso estamos traballando nestes días previos ao inicio da actividade lectiva.

Proximamente teremos as reunións de comezos de curso no que vos informaremos do protocolo do centro coas medidas sanitarias propostas pola Consellería de Educación e a de Sanidade adaptadas á realidade das nosas escolas.

Enviarvos unha mensaxe de tranquilidade e calma, traballando xuntos e na mesma dirección sairemos fortalecidos desta nova e difícil andaina. Porque, máis ca nunca:

...Caminante, no hay camino,

se hace camino al andar...

(Antonio Machado)

Todas as solicitudes presentadas no proceso de admisión do CRA Ponte da Pedra foron admitidas. Está publicada a lista definitiva de admitidas e admitidos no interior da sede do CRA.

O prazo de formalización da matrícula abrangue do 1 ata o 10 de xullo. Deberá entregarse na sede do CRA, o formulario de matrícula (Anexo III) xunto coa documentación que se detalla a continuación:

- ANEXO III (documento formalización matrícula).

- Fotocopia da tarxeta sanitaria.

- Fotocopia de cartilla de vacinacións.

- Fotografía tamaño carnet.

- Impreso das autorizacións.

- Enquisa Galego Equipo de Dinamización Lingua Galega.

O horario de atención ao público é de 10 a 13h de luns a venres.