Este ano estraño, que case toca ao seu fin, sacou o mellor de nós para afrontar unha situación inédita e inesperada que trastocou as nosas vidas dando lugar a unha "nova normalidade" que cada familia vive e sente de maneira diferente.
En todo momento a comunidade educativa tivo unha actitude exemplar, respectando as normas establecidas no centro e sendo responsables coa propia saúde así como coa dos demais. Desde o claustro do C.R.A. Ponte da Pedra queremos agradecervos a vosa colaboración, implicación e comprensión nas diferentes situacións e escenarios que vivimos ao longo destes meses.
Este centro funciona gracias ao apoio que recibimos por parte de toda a comunidade educativa que fai que os piares que o sustentan se fagan realidade.
Xa que este ano perdemos de desfrutar do festival de nadal, traémosvos os nosos mellores desexos de prosperidade nestes traballos que con moita ilusión fixeron os verdadeiros protagonistas das escolas: as nenas e nenos do C.R.A. Ponte da Pedra.
Durante este mes estamos levando a cabo unha serie de retos diarios ata o final de trimestre, que unha vez conseguidos canxéanse por 1 kg de alimentos non perecedeiros.
Todos estes alimentos serán repartidos entre Cáritas-Carballo e a Cruz Vermella.
Se algunha familia quere sumarse a esta iniciativa por medio dunha doazón particular, pode facelo ao longo desta semana nas escolas. O produto deberá vir nunha bolsa pechada e transportada polas nenas e nenos.
Na sede do CRA está publicada a listaxe provisional de alumnado admitido e excluído da distribución das máscaras.
A Orde do 6 de novembro de 2020 establece no artigo 13.1 e 13.2 que en caso de exclusión na listaxe provisional, as persoas afectadas poderán formular reclamación ante o centro docente nos dous días hábiles seguintes ao da súa publicación.
Esta reclamación entenderase resolta coa publicación da listaxe definitiva.
Se queredes consultar esta listaxe podédelo facer chamando á sede do C.R.A. en horario de 12:30 a 14:00.
COMENTARIOS
hai 3 anos 22 semanas
hai 4 anos 28 semanas
hai 4 anos 28 semanas
hai 4 anos 28 semanas
hai 4 anos 28 semanas
hai 4 anos 28 semanas
hai 4 anos 28 semanas
hai 4 anos 28 semanas
hai 4 anos 28 semanas
hai 6 anos 6 semanas