blogue de : teresa

O mércores 8 de xuño as nenas e nenos da escola de Sísamo fixemos unha saída ao contorno. Esta saída responde á curiosidade de coñecer o pazo que hai en Sísamo. Para iso primeiro na aula traballamos cal foi a súa historia. O paseo foi entretido e desfrutamos da merenda no souto situado ao lado do pazo. Despois de xogar un pouco entre as árbores e as herbas achegámonos silandeiros á súa entrada. Logo de percorrela adentrámonos no seu xardín. Foi unha saída moi interesante e divertida.

Aproveitando o bo tempo, continuamos plantando no horto. Desta volta, foron as leitugas e os calabacíns os que ocuparon os bancais. Este traballo foi realizado con moita ilusión polas nenas e nenos da escola de Sísamo.