blogue de : teresa

O pasado venres 26 de xaneiro acudiu á nosa aula Isidro para falarnos da avespa velutina. Foi unha charla moi interesante e amena onde descubrimos algunhas curiosidades sobre esta especie invasora: como son os seus niños, de que maneira os constrúen, como se organizan, por que atacan as abellas, que poden facer os apicultores para protexer as súas colmeas, que trampas caseiras podemos facer para loitar contra elas,...

Nestas imaxes podedes ver un resumo do que foi aquela xornada.

Ao longo do trimestre pasado estivemos inmersos no proxecto das árbores. Partindo do que sabíamos e do que queríamos saber desenvolvemos diferentes actividades. Unha parte fundamental deste traballo foron as familias que achegaron á escola información (libros, contos, lendas,...) Na aula utilizamos estes materiais na procura de información coa que resolver as nosas dúbidas e ampliar o noso coñecemento, sempre desde o noso interese e motivación.

Continuaremos profundando no proxecto a través doutras temáticas relacionadas.

Agardamos que vos guste

                                 .

Esta semana fíxonos unha visita o Apalpador. Contounos sobre os animais que habitan preto da súa casa, insistiu na necesidade de coidar a natureza; asemade, falounos dunha ave que vive na lagoa de Baldaio chamada píllara.  Tamén houbo tempo para un intercambio de agasallos: nós entregámoslle un mural con información sobre a píllara e os coidados medioambientais necesarios para evitar a súa desaparición e el, tróuxonos uns libros de contos sobre aves: "Los dientes de Trino Rojo" e "O paseo de Rosalía"

Agradecémoslle enormemente a súa visita, a súa implicación co coidado medioambiental e achegarnos o enorme valor da natureza e a importancia do seu coidado e respecto.