Queridas familias:
Publicamos como arquivo adxunto a proposta de traballo para estes días. Coma sempre, incluimos unhas recomendacións de traballo, destacando a voluntariedade de realizar todas as tarefas. Xa que é a última semana deste 2º trimestre, publicamos unhas tarefas conxuntas para Infantil e Primaria, con pequenas variacións en función da idade de cada alumno/a.
Unha aperta!
Para o coñecemento do noso alumnado e das súas familias queremos informarvos das Instrucións remitidas aos centros educativos por parte da Consellería de Educación, relativas á avaliación do 2º trimestre do curso escolar 19-20.
Segundo estas Instrucións, a avaliación do alumnado farase coa referencia do último día no que asistiron ao centro escolar (xoves 12 ou venres 13 de marzo). As actividades desenvolvidas de xeito telemático dende a suspensión das clases ata o día 3 de abril non son avaliables (serán revisadas polo profesorado cando se retomen as clases, pero non terán validez para a nota deste trimestre).
Na semana do 30 de marzo ao 3 de abril faremos as sesións de avaliación no noso centro educativo. Unha vez que estean avaliados todos os alumnos/as, as familias poderán ver as súas notas a través da aplicación abalarMóbil. O centro educativo avisará ás familias da publicación destas notas mediante unha mensaxe a través da aplicación abalarMóbil.
Saúdos.
Estimadas familias, achegamos como arquivos adxuntos as propostas de traballo para os días 30 e 31 de marzo.
Para estes días fixemos dúas propostas de traballo: unha para Educación Infantil e outra para Educación Primaria. Hai moitas cousas comúns para todas as idades e nalgúns casos tamén hai tarefas diferentes segundo a idade.
Queremos lembrarvos que non é preciso facer todas as tarefas propostas. É unha proposta de traballo que cada familia debe de adaptar ás súas circunstancias e aos intereses do alumnado.
Unha forte aperta!
Despois dunha exitosa primeira toma de contacto no día de hoxe, comunicámosvos que as videoconferencias da próxima semana serán o mércores 1 e o venres 3 de abril, ás 10:00 ambos días.
Si hai algunha familia interesada en participar e que non se anotou aínda, podedes facelo nos mails de cada escola. Lembrade que si non escribides á titora da vosa escola e facilitades un mail de contacto é imposible participar. As familias que xa participastes nesta sesión non é preciso que vos anotedes para a próxima semana.
Para as familias que se apunten de novo, volvemos a publicar como arquivo adxunto as instrucións de participación e rexistro. Si tedes dúbidas, ou algunha dificultade co rexistro, podedes chamar o luns ou martes, en horario de 10:00 a 13:00 ao teléfono de cada escola ou ao de dirección.
Enderezo de Senra: senraescola@gmail.com
Enderezo de Deixebre: deixebreescola@gmail.com
Enderezo de Trasmonte: escolatrasmonte@gmail.com
Enderezo de Vilacide: escolavilacide@gmail.com
Moitas gracias pola vosa participación e moito ánimo!!
Unha forte aperta de todo o profesorado!
Estimadas familias:
De cara á videoconferencia a desenvolver entre as titoras de cada escola e o alumnado, publicamos como arquivo adxunto as instrucións para esta actividade.
O venres 26 de marzo, ás 11:30 farase unha primeira videochamada.
De cara á videochamada de mañá, as familias participantes tedes que rexistrarvos na aplicación Zoom e logo confirmar o rexistro a través dos vosos correos. No arquivo adxunto tedes toda a información. É recomendable que vos rexistredes canto antes, xa que non é un proceso inmediato.
Saúdos.
Ola de novo!
Publicamos como arquivos adxuntos varias propostas das mestras de Música e Relixión.
Ademais, podedes ver estes enlaces a calquera momento:
https://theinstaprofile.com/instagram/tennis_sin_cordones Contacontos e manualidades o mércores 25 de marzo ás 16:30, por Instagram (LSE - tennis_sin_cordones).
Un par de recursos de Música:
http://recursostic.educacion.es/primaria/primartis/web/a/04/a_ba04_01vf.html
https://www.youtube.com/watch?v=6GdFNyfYQAY : É un video de Ciencias Sociais feito no CRA
https://www.salondolibro.gal/salon-virtual/ce-orquestra-pantasma-a-cantar-contar-e-bailar/ : Unha actuación da Orquesta Pantasma.
https://sincopyright.com/museos-virtuales/ : Visitas virtuais a diversos museos.
Unha aperta para todos/as!
Estimadas familias.
Achegamos como arquivos adxuntos as propostas de traballo para os vindeiros días.
Por outro lado, queremos propoñervos unha nova actividade, unha videoconferencia en directo entre as titoras de cada escola co seu grupo de alumnos/as. Si hai familias interesadas en participar nesta actividade, deben de enviar un mail á súa escola de referencia cos seguintes datos: dirección de correo electrónico, nome e apelidos do adulto e nome e apelidos do neno/a.
Hai que inscribirse antes da 13:00 do xoves 26 de marzo. As direccións de correo das escolas son as seguintes:
Enderezo de Senra: senraescola@gmail.com
Enderezo de Deixebre: deixebreescola@gmail.com
Enderezo de Trasmonte: escolatrasmonte@gmail.com
Enderezo de Vilacide: escolavilacide@gmail.com
Xa que non hai ferramentas de videochamada nas aplicacións desta páxina web da Consellería, usaremos a plataforma Zoom, para o que é preciso un rexistro previo. Unha vez que saibamos as familias que queren participar, enviaremsvos instrucións máis concretas para o rexistro e o seu uso. A dirección é: https://zoom.us/
Por outro lado, mandámosvos un contacontos de dous autores que xa estiveron no noso CRA en algunha ocasión:
https://www.salondolibro.gal/salon-virtual/a-barca-dos-sorrisos-o-salon-enriba-dunha-arbore-por-brais-e-anxo-moure/
Unha aperta moi forte de todo o profesorado!!!
Estimadas familias, publicamos (como arquivos adxuntos) unha proposta de traballo, adaptada a cada unha das idades do noso alumnado. Dentro de cada unha das propostas hai tarefas comúns (que todos os nenos/as desenvolven de xeito conxunto nas escolas, como poden ser os contos) e tarefas específicas (sobre todo o traballo de escritura e cálculo). Dentro de cada proposta, hai diversos tipos de traballo, en función da dispoñibilidade de medios, sobre todo para as tarefas escritas.
As propostas complementan as tarefas que vos facilitamos a semana pasada, que eran máis xerais.
A partir de agora, iremos publicando tarefas por días concretos, para facilitarvos o maís posible a atención ao alumnado.
Como complemento ao que publicamos para cada idade, podedes usar os programas educativos, que se emitirán na TVG2 e no canle de Clan todas as mañás, en colaboración coa Consellería de Educación e co Ministerio de Educación.
http://www.crtvg.es/crtvg/noticias-corporativas/a-g2-emitira-de-de-luns-...
https://www.rtve.es/rtve/20200320/rtve-aprendemos-casa/2010489.shtml
Desculpade os retrasos na publicación dos recursos. As páxinas webs dos centros non están preparadas para esta sobrecarga de traballo, polo que estiveron case toda a mañá bloqueadas.
Unha aperta moi forte.
Queridos/as nenos/as e familias, queremos compartir convosco uns contacontos e un concerto dun músico coñecido polos nenos/as. Paco Nogueiras retransmite hoxe por Instagram un concerto en directo, ás 16:45.
CONCERTO ONLINE Paco Nogueiras 20 marzo - Instagram:
https://www.instagram.com/p/B91WqSsHvKL/?utm_source=ig_web_button_share_sheet
CONTO: “DESAYUNO DE PRIMAVERA”:
CONTACONTOS: Fábrica de Paraules:
CONTO: “A máscara do León”:
https://drive.google.com/drive/folders/1b9nECmH86fT9wTTZicM09r9ZkIw_q20b
A partir do luns seguiremos publicando máis recursos educativos, intentando ofrecervos un amplo repertorio para que se poida adaptar a todas as circunstancias.
Publicaremos manualidades, contos, fichas con exercicios de matemáticas e lingua...
Tamén publicaremos distintos recursos online con xogos e actividades de Ciencias da Natureza e Ciencias Sociais.
Ao igual que nesta ocasión, cando publiquemos recursos, mandarémosvos unha mensaxe pola aplicación abalarMóbil, para que non teñades que estar pendentes.
Unha aperta moi forte de todo o profesorado!!!
Estimadas familias.
Achegamos unha proposta de actividades para desenvolver, na medida da vosa dispoñibilidade, nos vosos domicilios. Por motivos técnicos, non puidemos facer antes esta publicación.
Queremos agradecer a vosa colaboración e poñémosnos á vosa disposición para solucionar calquera dúbida que vos poida xurdir.
O horario de atención telefónico será de 10:00 a 13:00. Os números de teléfono de contacto son:
Escola de Deixebre: 628 07 16 52
Escola de Senra: 676 56 50 69
Escola de Trasmonte: 628 07 16 03
Escola de Vilacide: 628 07 12 49
Dirección do CRA de Oroso: 628 07 14 38
De parte de todo o profesorado, unha aperta moi grande para todos/as os/as nenos/as e para as súas familias!!!
| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
Xunta de Galicia - Consellería de Educación, 2013 | ||
