A nosa biblioteca non é só un espazo onde poder ler e levar libros, é un laboratorio creativo de aprendizaxes onde experimentamos, investigamos e debatimos e dialogamos. Un espazo aberto onde recibimos a persoas con moito que contar, coma Susana Calvo, científica do CSIC que veu ao noso Maker Espace de Paradela acompañada dos seus fascinantes bechos como parte do proxecto Exper-i-ciencia.

Adaptación do conto Once damas atrevidas (Helle Thomassen, Xosé Manuel González, Oli - Ed. Kalandraka) realizada sobre croma polo alumnado de 6º de Infantil do CRA de Meis.

CELEBRAMOS O SAMAÍN CON TEATRO! 

Todos e todas somos Rosalía de Castro. Para lembrar o día do seu nacemento, en Xuntanzas poñémonos na súa pel, e recitamos unha poesía curtiña das súas. Antes fixemos coas nosas mans unha chea de galiñas, vestímonos coas nosas mellores galas e puxemos o pelo da nosa poeta.