Circular informativa de fin de curso.

Horario e actividades do mes de xuño:

• Tal e como se informou en circular anterior, mantense o mesmo horario do resto do curso.

• Día 9 de xuño, domingo: Festival de fin de curso da ANPA.

• 21 xuño, venres: Último día de curso. Entrega notas en Educación Infantil e Primaria. As clases rematan ás 13:00, hora á que tamén sairán do centro os autobuses de transporte escolar.

• 26 xuño, mércores: Entrega de notas de secundaria ás 11:00 horas. Non hai transporte.

  Matrícula:

 Só é preciso matricular os alumnos ou alumnas novos/as no colexio e os que cursen Educación secundaria. As datas de matrícula son:

• Alumnado de Infantil e Primaria: Do 20 ao 30 de xuño.

• Alumnado de Secundaria:

  • Co curso aprobado en xuño: Do 25 de xuño ao 10 de xullo.

  • Con materias pendentes para setembro: Ata o 10 de setembro.

Para a formalización da matrícula, débese cubrir e asinar o impreso que será facilitado na secretaría e que tamén se poderá descargar na páxina web do centro.(Ao alumnado do centro que se matricule en secundaria, facilitarémoslle un sobre con toda a documentación).

Os usuarios de comedor deberán tamén entregar o impreso Anexo II:modelo de autodeclaración e especificacións, a fin de calcular a cantidade a aboar por día de servizo. Este impreso tamén se enviará ás familias en canto nos chegue da Consellería.

Libros de texto:

Lembramos que as familias que foron beneficiarias do fondo solidario no curso 2018/2019 deberán devolver ao centro estes libros.

A falta de devolución, será causa de exclusión da participación no fondo solidario e das axudas para adquirir libros de texto e material escolar no curso 2019/20.

Está excluído desta obriga o alumnado beneficiario de axuda para adquirir libros de texto de 1º e 2º de Educación Primaria.

A información completa pódese consultar na páxina web do centro.

Datas e procedemento de devolución dos libros de texto por parte das familias:

A recollida dos libros en E. Primaria realizarase na propia aula por parte dos titores e en secundaria os libros entregaranse en secretaría. As datas de devolución comunicarémolas en circular que enviaremos proximamente.

Libros biblioteca:

A data máxima de devolución dos libros da biblioteca que o alumnado ten en concepto de préstamo será o venres 21 de xuño. Xuntamos circular informativa da biblioteca sobre os préstamos para o verán.

As axudas asignaranse en función da renda per cápita familiar correspondente ao ano 2017, que debe ser igual ou inferior a 9000€, sendo requisito imprescindible ter devoltos os libros de texto do ano 2018/2019 (enviarase unha circular posterior cos días de recollida de libros).

• Fondo solidario de libros de texto: para 3º, 4º, 5º e 6º de E. Primaria e 1º, 2º, 3º e 4º de Ed. Secundaria.

• Axuda para adquirir libros de texto: 1º e 2º de Ed. Primaria.

• Axudas para adquirir material escolar: de 1º de E. Primaria a 4º da ESO. Renda per cápita inferior ou igual a 5400 €.

A solicitude, unha por familia, poderá realizarse no centro e tamén de maneira telemática, accedendo á aplicación de acceso: https://www.edu.xunta.es/fondolibros.

 Prazo de presentación de solicitudes: desde o día 21 de maio ata o 21 de xuño de 2019

 Documentación a presentar: Impresos Anexo I e II (que xuntamos) e libro de familia (orixinal e copia) sempre que autoricen a consulta telemática de datos.

 Para máis información poden consultar a orde na seguinte ligazón: https://www.xunta.gal/dog/Publicados/2019/20190520/AnuncioG0534-060519-0006_gl.html

RESOLUCIÓN CONVOCATORIA LIBROS DE TEXTO PARA PRIMARIA

• Día 9 de xullo: publicación (no colexio e na páxina web) das listaxes provisionais de admitidos/as no fondo solidario.

• Días 11 e 12 de xullo: presentación de reclamacións.

• Día 15 de xullo: publicación das listaxes definitiva

• Día 4 e 5 de setembro entrega de libros no Centro en horario de 10:00 a 13:00

DEVOLUCIÓN DOS LIBROS DE TEXTO. EDUCACIÓN SECUNDARIA

 - Lembrade que o alumnado só ten que devolver os libros das materias aprobadas en xuño; os libros das materias suspensas serán entregados despois dos exames de setembro.

- É moi importante entregar todos os libros no caso das materias separadas por trimestres.

- A devolución terá lugar nas seguintes datas e horas:

•  Días 21 e 26 de xuño de 9:45 a 13:25

•  Días 2, 3 e 4 de setembro de 9:45 a 13:25

- Resolución da convocatoria para o vindeiro curso:

•  Día 9 de xullo: publicación (no colexio e na páxina web) das listaxes provisionais de admitidos/as no fondo solidario.

• Días 11 e 12 de xullo: presentación de reclamacións.

• Día 13 de setembro: publicación das listaxes definitivas.

  A entrega de libros que lle corresponden a cada alumno/a será a partir do día 16 de setembro, data na que comenzará o curso 19/20.

Cambio horario no mes de xuño do presente curso.

Prezadas familias.

Comunicamos pola presente unha modificación do horario escolar do centro que afecta ao próximo mes de Xuño. Tal e como foi aprobado en Claustro de Profesorado e en Consello Escolar, solicitouse á Xefatura Territorial non facer a xornada reducida de verán no mes de xuño de 2019 e continuar co horario habitual de todo o ano.

O venres día 21 de xuño, as clases rematarán para todos os niveis ás 13:00 horas, sendo tamén ese a hora de saída dos autobuses.

Este cambio afecta exclusivamente ao mes de xuño deste curso, o que se comunica para os efectos oportunos.

ELECCIÓNS CONSELLO ESCOLAR

DOG nº 192 (Resolución pola que se establece o calendario para a celebración de eleccións dos Consellos Escolares)

Convocatoria de nais/pais e titores legais:

Na páxina web da seguridade social, podedes encotrar información das coberturas do seguro escolar obrigatorio.

 Acceso á web da seguridade social.

Lembramos que, tal e como se informaba na circular anterior, a  reunión de inicio de curso de nais e pais coas titoras de alumnado de Ed. Secundaria, será o mércores día tres de outubro ás 16:05 horas na sala de audiovisuais do centro

CIRCULAR INFORMATIVA DO CURSO 2018/2019

LISTAXE DEFINITIVA DO FONDO DE LIBROS DE PRIMARIA 18-19.

A entrega de libros terá lugar  os días 6 e 7 de setembro en horario de 10:00 a 13:00

Publicada a adxudicación provisional do Fondo Libros da ESO. 

A listaxe definitiva non se publicará ata o día 14 de setembro, unha vez rematados os exames da convocatoria extraordinaria e rexistrada a matrícula o alumno/a (do 6 ao 10 de setembro)

Para calquera dúbida ou consulta poden chamar ao colexio ou consultalo na páxina web www.edu.xunta.es/fondolibros/

Tamén poden recoller na secretaría do colexio os cheques de material adxudicados.

Publicada a adxudicación provisional do Fondo de Libros de Primaria.

Para calquera dúbida ou consulta poden chamar ao colexio ou consultalo na páxina web www.edu.xunta.es/fondolibros.

Tamén poden coller na secretaría do colexio os cheques de libros de 1º e 2º de primaria e cheques de material adxudicados.