01/11/2019

Como despedida da antiga Biblioteca de Infantil e Primaria, e para celebrar o Samaín, fixemos un contacontos con historias arrepiantes. A profe Vanesa contoulles ás nenas e nenos de Infantil o conto Como mola a túa vasoira; pasárono de medo, pois fixeron una pócima máxica cuns ingredientes moi especiais. A profe Thais contoulles ás nenas e nenos de 1º e 2º de Primaria o conto Pelos tortos, no que o protagonista é un ogro que ten una figueira. Por último, ás nenas e nenos de 3º e 4º de Primaria, a profe Thais contoulles o conto O asasino vive ao lado, no que os protagonistas teñen un veciño un tanto estraño.

Deixamos aquí un pequeno resumo en forma de vídeo, feito pola profe Mª Carmen Balado. Se queredes saber como acaban estes contos, xa sabedes: pasade pola Biblio de Primaria. Agradecervos a tod@s a vosa colaboración.

Fai clic para ampliar a foto

18/10/2019

O pasado venres, Raquel, a nai de Marcos de 1º A, veu contar o conto "¿Quien ha metido una vaca en la nevera? ao alumnado de 1º de Primaria. Pasaron un bo momento escoitando os "disparates" e rindo coas aventuras de Carola, a vaca tola. Como vedes na foto, xa comezamos a sacarlle partido á que será a nosa nova Biblioteca de Infantil e Primaria.

15/10/2019

O concurso da mascota para a Biblioteca de Infantil e Primaria xa ten gañador: Noel Rodríguez Cao. A mascota que creou chámase Paco, e é un camaleón viaxeiro ao que lle encanta ler. A que é moi orixinal? Esperamos vivir moitas aventuras con él. Agradecervos a tod@s a vosa participación no concurso. Grazas!!!

        Novas da Biblioteca de Secundaria

07/03/2019

O concurso de Mensaxes de Amor tivo gran éxito de participación. Esta mañá fixemos a entrega de premios aos gañadores das diferentes categorías:

Educación Infantil

• Cada aula recibe un libro como agasallo polo traballo realizado. Vega Pérez actuou como representante dos catro grupos.

Educación Primaria

• Sara Fraga (2º A)
• Bernabel Menéndez (4º B)
• Sara de Sousa (6º A)

Educación Secundaria

• Mª del Rocío Teijeiro (3º A), na modalidade de carta.
• Ana Medín (1º B), na modalidade de poesía.
• Candela López (1º A), na modalidade de debuxo.
• Finalistas: Catuxa Corral (1º C) e Iara Leal (1º B).

Parabéns a todos os premiados e o noso agradecemento a todo o alumnado participante.

25/02/2019

O noso alumnado de Infantil celebrou hoxe o Día de Rosalía recitando e cantando no patio. Ademais, a profe Vanesa caracterizouse de Rosalía de Castro para llerlles poemas na Biblioteca.

Fai clic para ampliar a foto

30/11/2018

Os gañadores/as do noso II Concurso de debuxos e historias de medo nas diferentes categorías son:

• Inés Méndez Rodríguez (1º B de Primaria)
• Tania López Pazos (4º B de Primaria)
• Juan Romero (6º C de Primaria)

Na categoría de Infantil, reciben un agasallo por aula.

Parabéns aos premiad@s!

Fai clic para ampliar a foto

15/06/2018

@s axudantes da Biblioteca de Infantil e Primaria recibiron hoxe un diploma e un pequeno agasallo pola súa colaboración ao longo do curso 2017-2018.

Despedímonos do alumnado de 6º e contamos co de 5º para o vindeiro curso. Moitísimas grazas.

O Equipo da Biblioteca

Fai clic para ampliar a foto

13/03/2018

No recreo desta mañá, entregáronse os premios do concurso "Que é para ti o amor", na Biblioteca de Infantil e Primaria.

As gañadoras de Primaria foron as seguintes:

• 1º e 2º de EP: Noa García Armero (2º A)
• 3º e 4º de EP: Sara Cagiao Teijeiro (3º A)
• 5º e 6º de EP: Inés Pereira Couce (6º B)

No caso de Infantil, o premio foi para todo o conxunto, e na foto inferior só aparece unha pequena representación.

Fai clic para ampliar a foto

 Parabéns!!

19/02/2018

Seguro que podes responder a esta pregunta, nonsí? E se ademais o fas dun xeito orixinal, convidámoste a participar no concurso que convocamos desde a Biblioteca de Infantil e Primaria.

Bases:

1. Recolle a plantilla na Biblioteca (no horario habitual ata o 23 de febreiro).
2. Escribe o que para ti quere dicir o amor (en xeral, en todos os aspectos). En galego, con boa letra, e sen faltas.
3. Decórao como ti queiras.
4. Indica nome, apelidos e grupo por detrás.
5. Introdúceo na urna que atoparás na mesma Biblioteca.

22/12/2017

O pasado martes os nenos e nenas de Infantil do Feal e Freixeiro riron, cantaron, xogaron e bailaron nunha sesión de contacontos protagonizada por Raquel Queizás na Biblioteca de Secundaria e organizada pola área de Ensino do Concello de Narón.

Podedes ver algunha foto máis nas últimas subidas do álbum "Biblioteca 2017" da nosa Galería.