Novas da Biblioteca de Infantil e Primaria
Inauguración da Biblioteca de Infantil e Primaria para o curso 2021-2022
Preme para ver unha presentación
08/11/2021
O pasado domingo 24 de outubro, foi o Día das Bibliotecas Escolares. Por este motivo, celebramos a inauguración da biblioteca de Infantil e Primaria para este curso escolar... con contacontos, xincana e escape room!
Día do Libro 2021 no Feal
28/04/2021
Deixamos algunhas imaxes da nosa Feira do Libro do pasado 23 de abril no álbum "Biblioteca 2021" da nosa Galería, aínda que tamén podedes velas en forma de vídeo.
Seguindo coa nosa celebración do Día do Libro, a mascota da Biblioteca de Infantil e Primaria pedíulle ás nenas e aos nenos que mandasen unha foto "recreando" a portada do seu libro favorito. Neste outro vídeo, podedes ver todas as fotos que recibimos. Grazas a todas as familias pola súa colaboración.
Feira do Libro na Biblioteca de Infantil e Primaria o 23 de abril
Preme para ver o cartaz completo
19/04/2021
Se che gusta xogar, se queres debuxar ou aprender a cociñar.
Se che gusta viaxar, se queres investigar ou aprender a bailar...
Ven á 1ª Feira do Libro do Feal.
Nela vas atopar todo o que o teu maxín poida imaxinar.
Esperámoste o 23 de abril! Verás que ben o pasarás!
Premios do concurso de mensaxes de amor 2021
25/02/2021
Esta semana, na Biblio de Paco do CPI do Feal, fíxose entrega dos diplomas e agasallos aos gañadores do concurso "Mensaxes de amor". Parabéns aos gañadores e grazas a todos por participar. Achegamos un pdf que ilustra a entrega de premios.
Premio ao mellor relato de medo da Biblioteca de Infantil e Primaria
07/12/2020
Achegamos o traballo premiado no novo concurso de relatos de medo organizado pola Biblioteca de Infantil e Primaria e o Equipo de Dinamización lingüística. A gañadora é Lucía Alves Paz, de 6º A de Primaria. Parabéns!
Premios dos concursos de mensaxes de amor e marcapáxinas na Biblioteca de Infantil e Primaria
29/11/2020
Esta semana, na Biblio de Paco do CPI do Feal, fíxose entrega dos diplomas e agasallos aos gañadores do concurso "Mensaxes de amor", que debido á COVID non puido levarse a cabo no mes de marzo. Parabéns aos gañadores.
Ademais, o pasado 24 de outubro, celebrouse o "Día das bibliotecas", e Paco propúxolle ás nenas e nenos de EI e EP, que fixesen un marcapáxinas co libro que máis lles gustase. A decisión foi moi difícil porque os marcapáxinas presentados eran moi bos. Grazas por participar.
Xa temos gañadora do concurso de relatos de medo
11/02/2020
No concurso de relatos de medo organizado pola Biblioteca de Infantil e Primaria, Paco tívoo moi difícil, pois as historias presentadas tiñan unha grande calidade.
A gañadora é Sara Teijeiro Villadóniga, de 5º C de Primaria. Parabéns!!! Podedes gozar do seu relato en isuu.
Xincana da nosa nova biblioteca
17/12/2019
Para inaugurar a nova biblio, a nosa mascota Paco propuxo facer unha xincana por todo o cole. As alumnas e alumnos tiveron que facer oito probas, todas super divertidas. Cando chegaron á nova biblio, recibiron como agasallo un marcapáxinas co seu nome. Pasárono xenial!!!!
Visita da escritora María Canosa
26/11/2019
O pasado martes 19 de novembro, os nenos/as de 6º de Primaria tivemos a visita da autora María Canosa para presentarnos, regalarnos e asinarnos o seu libro "Acuario". A actividade estaba organizada polo Concello de Narón.
Dereitos da Infancia
Fai clic para ver a presentación de Prezi
18/11/2019
O 20 de novembro celebramos o día dos Dereitos d@ nen@. Nós, os adultos, debemos proporcionarlles estas ferramentas que lles dean ás para poder voar libres, felices e en igualdadade. Hai moitos destes dereitos que non se cumpren en moitos lugares do mundo... Traballemos para que a nosa infancia consiga telos!!!!!
Na presentación de Prezi que achegamos, participaron todos os niveis de Infantil e Primaria para representar cada un dos dereitos.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com
![RSS - Novas da Biblioteca de Infantil e Primaria Distribuir contido](/centros/cpifeal/misc/feed.png)