Novas da Biblioteca de Infantil e Primaria
Suxestións da Biblioteca de Infantil e Primaria para Samaín
27/10/2022
Aquí tedes unha selección de libros, cancións e curtas elaborada polo equipo da Biblioteca de Infantil e Primaria, para entretervos en Samaín.
Día das Bibliotecas 2022
25/10/2022
Onte celebramos o Día das Bibliotecas 2022 con dúas actividades. Pola mañá, o alumnado de Infantil e Primaria saíu a ler ao aire libre, como podedes ver nalgunhas fotos do álbum "Biblioteca 2022" da nosa Galería. Pola tarde, as familias visitaron a Biblioteca de Infantil e Primaria, e achegamos unha pequena montaxe con fotos da visita.
Xornada de portas abertas na Biblioteca de Infantil e Primaria
19/10/2022
O próximo luns 24 de outubro, entre as 16:00 e as 18:00, as familias están invitadas a visitar a nosa Biblioteca de Infantil e Primaria. Esta xornada de portas abertas, organízase para celebrar o Día das Bibliotecas.
O "Decálogo do lector" feito por 2º B de Primaria
Preme para ver o vídeo en genially
19/06/2022
Para rematar as actividades da Biblioteca de Infantil e Primaria por este curso, aquí tedes o simpático Decálogo do lector elaborado polo alumnado de 2º B de Primaria.
Despedida do curso 2021-2022 na Biblioteca de Infantil e Primaria
26/05/2022
Para despedir o curso na biblio de Paco, organizouse unha xincana con gafas de realidade virtual. Cada grupo "entraba" en diversos libros famosos (Frankenstein, O gato con botas, Hansel e Gretel, Dr. Jekll e Mr. Hyde...), e o alumnado tiña que responder a preguntas relacionadas co que estaba vivindo. Podes ver varias fotos da actividade no álbum "Biblioteca 2022" da nosa Galería.
Feira do Libro 2022
29/04/2022
Os pasados 28 e 29 de abril, o alumnado e o profesorado de Infantil e Primaria organizaron unha fantástica Feira do Libro no noso patio cuberto. Podedes ver algunhas fotos da feira no álbum "Biblioteca 2022" da nosa Galería.
Lerflix
29/03/2022
As cabezas pensantes da nosa Biblioteca de Infantil e Primaria non paran, e despois de inspirarse en YouTube para os seus booktubers, agora apuntan a Netflix e contraatacan co seu Lerflix. Na imaxe, podedes ver a nova cartelería da biblio para facer suxestións.
Día de Rosalía de Castro 2022
21/02/2022
Para celebrar o Día de Rosalía (23 de febreiro), o equipo da Biblioteca de Infantil e Primaria preparou unha presentación coa súa biografía, libros dispoñibles no Feal, poemas musicados e incluso xogos interactivos.
Premio do Concurso de relatos de medo 2021/2022
29/11/2021
Un ano máis, achegamos o traballo premiado no novo concurso de relatos de medo organizado pola Biblioteca de Infantil e Primaria e o Equipo de Dinamización lingüística. A gañadora é Amanda Rodríguez Macías, de 6º C de Primaria, co relato "O bosque encantado". Parabéns!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »
Enderezos electrónicos
- Equipo directivo: cpi.feal@edu.xunta.gal
- ANPA: o.buxato.anpa.o.feal@gmail.com
- Coordinación da web: web.feal@gmail.com
![RSS - Novas da Biblioteca de Infantil e Primaria Distribuir contido](/centros/cpifeal/misc/feed.png)