Inicio

Taboleiro

VOTACIÓN XORNADA CONTÍNUA CURSO 2021/22

Nestes días recibiuse o informe favorable do Servizo de Transporte Escolar para tramitar a modificación de horario en Educación Infantil e Primaria. Este cambio afectaría ás tardes dos luns e os martes, que desaparecerían do horario lectivo, e os 100 minutos que ata o de agora se impartían eses días (unha sesión de 50 minutos na tarde dos luns e outra na tarde dos martes) distribuiríanse equitativamente nas mañás dos cinco días da semana. Isto é, en lugar de sair polas mañás ás 13.40 h., como agora, o alumnado pasaría a rematar as clases ás 14.00 h e non habería clase ningún día pola tarde. O servizo de comedor manteriase entre as 14.00 e as 14.40 h. e os autobuses sairían a continuación.
Este cambio -que sería efectivo a partir de setembro- require da realización dunha votación entre as familias afectadas, e que voten a favor o 58% do total do censo. Os votos non emitidos contan como negativos e só se pode emitir un único voto por familia. No caso do noso colexio, estarían convocadas 152 familias e requeririanse 89 votos afirmativos.
Por outra banda, esta modificación require da elaboración dun plan específico de actividades extraescolares que faciliten a conciliación cando fose preciso. Tanto o concello como a Anpa estamos a elaborar unha proposta que será consultada coas familias a efectos de coñecer os vosos intereses e necesidades.
Aínda non se coñece a data exacta da votación, que será presencial no colexio, pero calculamos que sería entre finais de marzo ou primeiros de abril. Ábrese agora un periodo no que vos invitamos a preguntar cantas dúbidas teñades, que nos comprometemos a transmitir tanto á dirección do centro como ao concello, de cara a participar neste proceso coa máxima información. Abriremos un apartado de "Preguntas Frecuentes sobre a Xornada Contínua" no que trataremos de aclarar o máximo de cuestións, e compartiremos por aquí as novidades que se vaian producindo.

ACTIVIDADES IGUALDADE NOVEMBRO 2020

05/11/2020 10:15
Europe/Paris
Desde a Anpa, e con cargo a unha subvención da Deputación da Coruña, programamos varias actividades que teñen no foco a promoción da igualdade entre homes e mulleres e a prevención e loita contra a violencia cara as mulleres.
-6 novembro, ás 11.50h. Retransmisión por streaming da obra "Insumisión", de Rosa Molero, representada por Teatro del Andamio. Dirixida a todo o alumnado da ESO (118 alumnos) pero distribuiremos o enlace para que tamén poidan acceder as familias se o desexan. Ao rematar os nenos e nenas poderán facer preguntas aos actores. O enlace para seguir a retransmisión é este: https://youtu.be/toDOH7P0Ogk
-12 novembro, 11h. Obradoiro sobre Uso axeitado de internet e redes sociais, micromachismos, macroviolencias, novas masculinidades e prevención da violencia de Xénero. Dirixido a 3º da ESO (27 nenos)
-17 novembro, 20h. Escola de pais e nais. Charla sobre a prevención da violencia de xénero nos centros educativos. Dirixida ás 230 familias dos 310 alumnos matriculados no CPPI dos Dices. Será por streaming a través da plataforma Zoom e facilitaremos o enlace aos interesados/as.

Programa para a mocidade Iniciativa Xove

Programa da Dirección Xeral de Xuventude, Participación e Voluntariado que consiste nunha liña de axudas pensada para que vós, os mozos e mozas, poidades desenvolver ideas que, transformadas en proxectos e iniciativas de interese, poidan reverter na mocidade actual e na nosa sociedade.

Poderedes participar de dous xeitos: a través de grupos informais de mozos/as ou ben dende as asociacións xuvenís e entidades legalmente constituídas.

As actividades serán planificadas e desenvolvidas por vós mesmos/as, fomentando sempre  a participación, a axeitada utilización do lecer, a calidade de vida e o benestar, a través dos proxectos integrais e específicos de actuación que propoñades.

Dirección Xeral de Xuventude, Participación e Voluntariado, teléfono 981 544 866, enderezo electrónico institutoxuventude.ctb@xunta.es

http://xuventude.xunta.es/iniciativa-xove.html

  • APIs de Blogue

Listaxe provisional de admitidos e excluídos (curso 2015-2016)

Convocatoria de axudas para formación en linguas estranxeiras

Nesta ligazón figura toda a información sobre a convocatoria axudas destinadas ao alumnado para a realización de actividades de formación en linguas estranxeiras no ano 2015.

Theme by Danetsoft and Danang Probo Sayekti inspired by Maksimer