Os rapaces de 5º de primaria traballaron arreo para darlle vida aos libros que previamente leran. Esta semana, nos nosos corredores podemos observar estas fermosuras. Noraboa a alumnos e profesora polo traballo realizado.

Esta semana xogamos co amor e coas palabras e, da mestura das dúas cousas, saíron estes pequenos retrincos galegos e amorosos. Esperamos que vos agraden.

Parece que volvemos onte do nadal e xa estamos no Entroido. Este curso, o Claustro decidiu non celebrar o festival como  protesta ante as medidas adoptadas pola Consellería de Educación. Sabemos que os pais nos entenden e nos apoian nas nosas reivindicacións en defensa dun ensino público de calidade para os seus fillos.

No CPI Cernadas de Castro, os máis pequenos, sempre guiados polos seus mestres e mestras achégannos os seus mellores desexos de Paz. Non escatimaron en esforzo e en imaxinación á hora de elaborar estes fermosos murais. 

Durante todo o mes de xaneiro estivemos pensando, lendo e falando sobre as cousas que temos nós e outros nenos e nenas do mundo e as cousas que outros non teñen. Vimos libros de Unicef e pensamos que non era xusto que houbera nenas e nenos que non teñen auga, nin mediciñas para curarse, nin roupa para abrigarse nin comida e que algúns tampouco teñen ninguén que os coidase, nin escola...

Cando Manuel Mato Fondo nos falou dun seres chamados "fusquenllos"  que atopara nos montes da zona de Bergantiños, nós emprendemos a busca de seres fantásticos no bosque da nosa imaxinación: en Lousame tamén tiña que habelos. E atopámolos; no adxunto falámosvos dalgúns deles.