Con carácter xeral, o illamento dun caso confirmado da COVID-19 durará cando menos 7 días. Aos 7 días, e sempre que pasaran 3 días sen síntomas, sen necesidade de ningunha proba diagnóstica, o caso confirmado poderá abandonar o illamento e reincorporarse ao centro, extremando as medidas preventivas outros 3 días.
A corentena domiciliaria dos contactos estreitos debe manterse durante os 7 días seguintes ao último contacto co caso, sempre que se obteña un resultado negativo na proba de control. Unha vez transcorrido este período, a persoa en corentena deberá seguir medidas de vixilancia por contacto ata pasados 10 días do último contacto co caso.
Durante o período de vixilancia unicamente poderá realizar actividades esenciais (ex.: acudir ao centro educativo ou realizar compras básicas). Cando se realicen estas actividades esenciais, deberá seguir as seguintes indicacións:
- Manter a distancia de seguridade con outras persoas de polo menos 1’5 metros.
- Usar sempre a máscara
- Non realizar actividades que impliquen quitar a máscara se non pode asegurar a distancia de seguridade (ex.: comer ou beber en presenza doutras persoas), incluído no domicilio cos seus conviventes.
- Lavar as mans con frecuencia.
No caso de non realizar proba diagnóstica durante a corentena, polo motivo que sexa, deberá prolongarse a corentena ata pasados os 10 días do último contacto co caso.
Estas medidas son extraídas do seguinte documento publicado pola Consellería de Educación, Cultura e Ordenación Universitaria. CLICK AQUÍ
Por fin chegou o día da estrea de SEGREDOS ABERTOS, montaxe da que puido desfrutar todo o alumnado de secundaria hoxe. Con esta posta en escea, a rapazada de 4ºESO despedía o trimestre de xeito teatral.
O vindeiro martes 21 de decembro, o alumnado de Artes Escénicas e Danza de 4ºESO estrea a súa performance SEGREDOS ABERTOS, baseada no texto gañador do Certame de Teatro Lido do FIOT. Faranse varios pases teatrais ao longo da mañán dese día. Prometemos gravación do evento na páxina web!
O alumnado de 1ºESO saca á luz os froitos da exposición oral feita en Lingua Castelá e Literatura este trimestre, cuxo título é UN METRO CUADRADO DE MI MUNDO. Este traballo consistía en escoller de 5 a 10 obxectos que definiran a cada alumno/a, a partir dos cales realizaron unha presentación oral na aula falándolos deles/as mesmos/as.
Segundo as instrucións do PROTOCOLO DE ADAPTACIÓN AO CONTEXTO DA COVID-19 NOS CENTROS DE ENSINO NON UNIVERSITARIO DE GALICIA PARA O CURSO 2021-2022 o vindeiro venres 17/12/2021, procederase ao resparto na aula, de máscaras entre o alumnado beneficiario do cheque de axuda para material escolar 2021/2022. As máscaras, seguindo as citadas instrucións, son hixiénicas, reutilizables ata 50 lavados (cumpren a normas UNE 0065), e serán entregadas 3 por neno/a.
Equipo Directivo
O alumnado do CPI Plurilingüe Cabo da Area, un ano máis rexeita a violencia de xénero, unha lacra social que ten a moitas mulleres e nenas sumidas no medo e na inseguridade. Nesta e en moitas escolas do mundo contamos coa ferramenta máis eficaz para o cambio, A EDUCACIÓN E O FEMINISMO.
Aquí deixamos a nosa contribución a este día, unha canción e unhas palabras que contan moito e valen moito.
Grazas pola vosa colaboración, a igualdade de oportunidades e o fin do machismo son posibles!!!!
FAMILIAS: MÉRCORES 24, DE 17,00 A 20,30 HORAS, NA BIBLIOTECA DO EDIFICIO DE E.S.O.
ALUMNADO: MÉRCORES 24, DE 09,00 A 10,00 HORAS, NA BIBLIOTECA DO EDIFICIO DE E.S.O.
PERSOAL DE ADMINISTRACIÓN E SERVIZOS: MÉRCORES 24, DE 09,15 A 10,15 HORAS, NA BIBLIOTECA DO EDIFICIO DE E.S.O.
PROFESORADO: XOVES 25, EN CLAUSTRO EXTRAORDINARIO ÁS 17,00 HORAS, NA BIBLIOTECA DO EDIFICIO DE E.S.O.
VOTAR É ASUMIR A RESPONSABILIDADE QUE COMO INTEGRANTES DA COMUNIDADE EDUCATIVA TEMOS TODAS E TODOS!!!!
Hoxe, ás 18,30 no edificio de Educación Infantil e Primaria, celebrarase unha charla, da man da ASOCIACIÓN VISIBLES, onde se falará sobre a importancia do papel das familias e do profesorado na educación para a igualdade da nosa infancia e mocidade. Temos moito que aprender, polo que é moi importante PARTICIPAR.
Esperámosvos!!!!
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- …
- seguinte ›
- última »
