Actividades conxuntas

O venres 28 de xaneiro conmemoramos o Día Escolar da Non Violencia e a Paz con diferentes actividades:

• Un ciclo de cinema
• Entre todos/as decoramos o corredor cos desexos que lanzamos ao mar
• Saímos á rúa para colgar os nosos desexos polas rúas de Cuntis.

Abaixo podedes ollar un resumo das actividades realizadas.

Seguindo co noso proxecto de centro "A volta ao mundo de Magallanes e Elcano por un mundo sustentable" o noso alumnado realizou unha repoboación simbólica polos corredores do colexio, utilizando materiais de refugallo. Clicando nas imaxes tedes unha mostra das árbores do outono.

Aquí vos deixamos a versión interactiva do xogo "De muller en muller".

O día 2 novembro celebramos o magosto.

Ao longo da mañá desenvolvéronse diferentes actividades como:

• Obradoiros en Educación Primaria e ESO de temáticas diversas (contos de medo, tradicións inglesa e francesa, manualidades...)

• Obra de teatro para Infantil chamada "Phantom Manor" e interpretada por Kids&Us

• Práctica de Xogos tradicionais

• Andainas para realizar os primeiros quilómetros da nosa particular volta ao mundo: "Un mundo paso a paso"

Aquí vós deixamos unha pequena mostra das actividades realizadas (clicando nas imaxes accederedes ao album desta actividade).

 Como ven sendo tradición todos os anos ao finalizar o curso, o alumnado de profesorado do centro realiza diferentes andainas pola contorna do concello de Cuntis.

O alumnado de Educación Infantil foi ata Castrolandín:

O alumnado de 3º e 4º fixeron unha ruta que o levou a visitar As Campaíñas, A fábrica da Luz e a fervenza do Hérvedo.

5º e 6º de Educación Primaria realizaou un roteiro pola beira do Río Gallo pasando polos pasos de Meira, A Ponte do Nieto ata chegar ao Pozo do Pego que é o lugar onde o Gallo desemboca no Umia.

As andainas da ESO e de 1º e 2º de Educación Primaria non se puideron realizar debido ao mal tempo. Se queredes ver máis fotos das andainas picade aquí.