Para conmemorar o 25N no cole realizamos diferentes actividades:
Creamos un xogo chamado: "De muller en muller", no que tratamos de coñecer a mulleres que deron voltas ao mundo e os atrancos que tiveron para facelo na época na que viviron.
Decoramos as cancelas do centro con chaves, para pechar as portas á violencia e abrilas á liberdade.
No corredor de infantil visibilizamos os atrancos que teñen as mulleres para desenvolverse no mundo actual.
Despedimos o día sumando quilómetros para a nosa volta ao mundo virtual realizando a nosa particular "Andaina Violeta" polo casco urbán de Cuntis.
Se queredes ver máis fotos das diferentes actividades clicade nas imaxes.
O día 11 de Novembro o alumnado de 2º, 3º, 4º, 5º e 6º de Educación Primaria e de 1º , 2º e 3º da ESO participou no campo a través celebrado na Estrada. Esta actividade enmárcanse dentro do programa XOGADE de deporte escolar.
Aquí vos deixamos unha pequena mostra da actividade. Se queredes acceder á galería picade nalgunha delas.
Como ven sendo tradición todos os anos ao finalizar o curso, o alumnado de profesorado do centro realiza diferentes andainas pola contorna do concello de Cuntis.
O alumnado de Educación Infantil foi ata Castrolandín:
O alumnado de 3º e 4º fixeron unha ruta que o levou a visitar As Campaíñas, A fábrica da Luz e a fervenza do Hérvedo.
5º e 6º de Educación Primaria realizaou un roteiro pola beira do Río Gallo pasando polos pasos de Meira, A Ponte do Nieto ata chegar ao Pozo do Pego que é o lugar onde o Gallo desemboca no Umia.
As andainas da ESO e de 1º e 2º de Educación Primaria non se puideron realizar debido ao mal tempo. Se queredes ver máis fotos das andainas picade aquí.
No mes de xuño, o alumnado de infantil e 1º ciclo de primaria asistiu a uns obradoiros de educación emocional. Estes obradoiros están enmarcados no CONTRATO- PROGRAMA na liña EMOCIONA-T. Neste proxecto abarcamos dúas liñas de actuación:Unha onde se pretende entender que as emocións nos serven para obter unha finalidade, e coñecer cal é en cada caso e outra onde vivenciamos esas emocións e aprendemos o xeito san de procesalas. Foi un traballo moi produtivo pois permitiu observar patróns mais tamén adquirir aprendizaxe, por parte das crianzas, sobre como abordar certas experiencias e tamén como acompañarse entre elas neste tipo de situacións, favorecendo a empatía e o respecto do grupo e os seus individuos.
O mércores 28 de Abril celebramos no cole o "Día da Educación física na rúa".
As actividades nas que participamos foron moi variadas: o alumnado de ESO competiu nunha carreira de orientación, os/as máis pequenos/as fixeron un percorrido con diferentes probas, os do 1º ciclo participaron en diferentes xogos na praza que combinaban actividade física e pericia, o/as de 2º ciclo xogaron ao "cachibote" e o alumnado de 3º ciclo xogou ao twincon (un xogo alternativo de nova implantación).
O venres 23 de abril tocaba no cole conmemorar o día do libro.
O alumnado de 4ºB de Educación Infantil, que participa no plan Proxecta: "Voluntariado miúdo", ilustrou e narrou o conto: "O señor Ramón e a señora Ramona" que compartiron cos/as usuarios/as do centro de día de Cuntis. Abaixo podedes botarlle un ollo.
Os usuarios do centro de día agasallaron a este alumnado cun xogo de memoria feito por eles mesmos.
Desde o equipo de biblioteca propuxeron unha actividade inspirada na obra de Ray Bradbury, Fahrenheit 451, na que nun mundo futuro os libros están prohibidos e o corpo de bombeiros é o encargado de localizalos e queimalos, propuxemos ao alumnado que nos diga QUE LIBRO(S) SALVARÍA. Aquí vos deixamos algunha foto da mesma.
Por outra banda, o alumnado do club de lectura foi ás aulas de Educación Infantil a contarlle "Ola, son un becho bola!".