Skip to Content

Ed. Primaria

Aventuras dunha gota de auga

Lun, 2015-04-13 09:11 — secretaria

Os alumnos e alumnas de 1ºA de educación primaria estudiamos o tema da auga no segundo trimestre. Queremos presentarvos a adaptación do conto "Aventuras dunha gota de auga" de Begoña Ibarrola que elaboramos cos nosos debuxos e as nosas narracións.

                                                       

Visita á lonxa de Vigo e ao Museo do Mar.

Xov, 2015-04-09 17:53 — secretaria

O martes 7 de abril a rapazada de 3º e 5º de primaria que está participando no programa do Plan Proxecta "Aliméntate Ben" fixemos unha visita a Vigo como complemento a dito programa. Fixemos un percorrido polas partes máis importantes da Lonxa de Vigo, coñecemos o Museo do Mar e todas as súas curiosidades, degustamos productos do noso mar e rematamos a nosa andaina cunha morea de xogos e actividades na praia de Samil. 

Se queredes ver unha mostra do moito que aprendemos nesta xornada tan intensa votade un ollo á nosa galería de imaxes ou premede nestas fotos.

                      

Visita e baño no Balneario de Cuntis

Mar, 2015-04-07 12:29 — Anónimo

O mércores 25 de marzo o alumnado de 3º ciclo de Educación Primaria realizou unha visita ás instalacións das Termas de Cuntis.

Na primeria parte da mañá fixeron un percorrido onde o persoal do balneario lles explicou as utilidades e o funcionamento das diferentes estancias.

A continuación disfrutaron durante unha hora e media do ACQUAFORM, realizando un circuito lúdico-termal no que aproveitaron os beneficios terapéuticos das augas de Cuntis.

A visita resultou moi educativa e relaxante, o alumnado veu encantado e o profesorado tamén.

Se queredes ver máis fotos premede na imaxe.

                                                   

Na percura do tesouro

Ven, 2015-03-06 11:03 — Anónimo

O alumnado de 3º e 4º de Primaria asistiron á obra didáctico-musical “Na percura do tesouro”, que trata as tradicións orais transmitidas dos nosos antepasados (rituais, actos festivos, coñecementos sobre a natureza e o universo, artesanía tradicional, ...) . Ensináronnos instrumentos tradicionais da nosa cultura, como o acordeón , a zanfona ou a requinta ; falaronnos das regueifas, dos cancioneiros e das cantigas. Todo isto a través dunha interesante historia de lendas e enigmas.  

                                       

Concerto Son+D2 e visita ao Museo de Historia Natural

Mar, 2015-01-20 18:13 — Anónimo

O pasado venres 16 de xaneiro o alumnado do terceiro ciclo de EP visitou a cidade de  Santiago para asistir ao divertido concerto didáctico do grupo Son+D2. Alí gozaron da música en directo escoitando distintos estilos musicais. Despois visitaron o Museo de Historia Natural, onde viron unha gran variedade de animais e minerais . Pasáronno moi ben!

 

 

CAMPO A TRAVÉS

Mar, 2014-12-02 17:29 — Anónimo

O pasado mércores o alumnado de 2º a 6º de EP participou na competición zonal do campo a través incluido no programa XOGADE. Desplazámonos a correr a Portas e os resultados non estiveron nada mal. Se queredes ver máis fotos premede na imaxe.

         

COCIDO SINFÓNICO

Mar, 2014-11-25 08:48 — Anónimo

O martes 11 de Novembro os alumnos de 1º e 2º de primaria fomos a ver a obra “Cocido Sinfónico” da compañía Os tres tenedores . Trátase dun espectáculo que mestura teatro, humor e música.

As portas deste peculiar restaurante abríronse para ofrecernos as músicas máis saborosas acompañadas dos pratos máis suculentos e innovadores.

Pasámolo moi ben: rimos moito e gozamos da escoita da música interpretada en directo.

Se queredes ver fotos premede aquí.

VIVIR EN SAÚDE NO COLEXIO

Sáb, 2014-11-01 23:12 — secretaria

 

Este xoves 30 de outubro o alumnado do primeiro e segundo ciclo de primaria desfrutaron dunha actividade na que aprenderon dun xeito divertido o importante que é ter unha alimentación saudable e facer un chisquiño de exercicio para medrar e triunfar coma campións e campionas na nosa vida diaria.

Tiramos moitas fotos nesta xornada e podedes velas premendo nesta foto ou entrando na nosa galería de fotos.

 

Atención á diversidade

Mar, 2013-12-17 16:44 — Anónimo
A principios de decembro tivemos a sorte de realizar no noso centro uns obradoiros relacionados co tratamento da Diversidade e a Discapacidade, co obxectivo de achegar ós rapaces de 2º,4º e 6º de primaria ó concepto de diversidade presentando esta como algo cotiá.
 
As persoas que impartiron o obradoiro foron Lara Arribas e Aloia Lema, psicólogas vinculadas profesionalmente á atención das persoas con diversidade funcional en diferentes áreas (vivenda, atención de día, emprego, promoción da autonomía...). Dende fai catro anos levan a cabo un programa para a promoción da autonomía persoal das persoas con discapacidade psíquica que desenvolve o Concello de Cuntis a través do Departamento de Servizos Sociais.
 
Para traballar  utilizaron sobre todo a guía "Diferentes. Guía ilustrada sobre la diversidad y la discapacidad"  editada  recentermente pola Fundación Adecco e OHL. Podedes descargalo en pdf.
 
A cada grupo presentáronlle diferentes tipos de discapacidades, nos 3 niveis trataron de abordar as físicas, psíquicas e sensoriais, presentándoas a través dunha personaxe protagonista con unha historia persoal propia e única, que facilitase a familiarización do alumnado coa discapacidade.
 
Tamén se empregaron nos diferentes obradoiros apoios audiovisuais para o traballo da lingua de signos (os medios de transporte, os animais e as froitas) así como un conto "El Cazo de Lorenzo" (para explicar a discapacidade de xeito metafórico) e unha curtametraxe "El viaje de María" (que nos achega ás persoas con autismo).
 
Dende aquí agradecer a este colectivo a súa colaboración.
 
Esperamos repetir experiencia o vindeiro curso. enlace fotos

Escola de Música Municipal de Cuntis

Lun, 2013-11-04 17:07 — Anónimo

O pasado venres día 27 de outubro acudiron ao centro os profesores encargados da  Escola de Música Municipal de Cuntis, acompañados de algúns músicos mostraron ao alumnado de Educación Primaria o que poden facer con diferentes instrumentos.

Animaron ao alumnado e as familias a formar parte da Escola que oferta actividades creativas e educativas dende os 3 anos.

  • Musica e movemento de 3 a 7 anos.
  • Linguaxe musical a partir dos 7 anos: práctica instrumental con nocións básicas de linguaxe musical.

Instrumentos: oboe, clarinete, saxofón, fagot, trompa, trompeta, tombón, bombardino, tuba, percusión, piano, guitarra e violín.

Os interesados poden chamar o teléfono 650188329

 

Distribuir contido


by Dr. Radut