Ed. Infantil

Os cativos e cativas do noso colexio, xunto cos compañeiros/as da Escola Unitaria de Arcos de Furcos experimentaron que se sente traballando coma panadeiros/as por un día. Primeiro aprendimos e tocamos todos os ingredientes que precisamos para facer unha boa masa, despois puxemos en marcha as máquinas amasadoras e rematamos amasando os nosos propios boliños de pan fresco. Ademáis de pan tamén nos ensinaron como se facían outros alimentos ricos e doces que preparan con moito cariño, como as palmeiras, os croasáns, os ovos de Pascua e ata un castelo de chocolate puidemos ver. 

Moitísimas grazas aos traballadores e traballadoras da Panadaría Cervela que tan ben nos recibiron, pola paciencia que amosaron con todos/as nós e por suposto, polos riquísimos agasallos que nos fixeron. 

Coma sempre podedes botarlle un ollo ás fotos que nos tiraron as mestras desta xornada panadeira tan proveitosa premendo nestas imaxes ou visitando a nosa galería e fotos.

Os rapaces e rapazas de sexto de infantil estiveron prantando e coidando unhas macetiñas con narcisos durante o primeiro trimestre; tan ben as estiveron coidando que a maioría xa botaron flor e xa as están levando para a casa.

Velaquí tendes algunhas fotos que sacamos sobre a prantación ou podedes visitar a nosa galería de imaxes.

Este luns 5 de decembro o alumnado de educación infantil do noso centro e da escola unitaria de Arcos de Furcos recibiron unha visita moi misteriosa, a fada dos contos Anduriña e a súa amiga Xoaniña. Entre as dúas personaxes contáronnos un montón de historias cheas de maxia e valores moi positivos como o respeto polos demais, a xenerosidade, a responsabilidade, e unlongo etc. Aprendemos moitas cousas, cantamos e bailamos todos/as xuntos/as, pasámolo moi ben e por riba agasalláronnos con caramelos para todos/as, incluso para as mestras.

Coma sempre, podedes pinchar nestas fotos ou visitar a nosa galería de imaxes para que vexades que ben o pasamos.

O mércores 2 de novembro o alumnado de infantil de catro e cinco anos visitou o Auditorio de Galicia para participar dunha representación musical a cargo da compañía Pitusa Semifusa. Cantamos, bailamos e participamos no espectáculo ao tempo que compartimos experiencias cos nosos/as compañeiras/as á hora da merenda. 

As mestras tiraron unhas fotos para traer de recordo e poder lembrar os momentos máis significativos desta mañá vivida nas rúas de Compostela. Coma sempre podedes botarlle un ollo premendo nas imaxes ou visitando a nosa galería de fotos.

Este venres 21 de outubro o alumnado de educación infantil fixo unha saída ao río Gallo como parte dunha das actividades do Proxecto Ríos, un dos Plans Proxecta de Innovación Educativa nos que está a participar o profesorado do noso centro. A saída consistía en facer unha camiñada pola vila de Cuntis ata a ribeira do río para facer unha pequena inspección do seu estado medioambiental, recoller mostras para traballar na aula, fotografiar as cousas que nos chamaran a atención para estudar detidamente na escola e compartir un momento na compaña dos nosos compañeiros/as de etapa tomando a merenda e xogando un chisquiño á beira do río da nosa contorna máis próxima.

As mestras que acompañaron aos cativos e cativas do noso centro fixeron unhas fotos para levar á escola e deixar testemuña dun día de traballo diferente aos demáis. Podedes botarlle un ollo premendo nestas imaxes ou visitando a nosa galería de fotos.