Ed. Infantil

Este martes 3 de maio a rapazada de infantil do noso colexio e os compañeiros e compañeiras da escola de Arcos de Furcos fomos de aventura á granxa-escola Fervenzaventura de Silleda. Fixemos un montón de actividades e participamos en varios obradoiros nos que aprendemos moitas cousas: prantamos leitugas, fixemos boliños de pan, démoslle de comer ás ovellas, cabras, cabalos, vaquiñas e demáis animais da granxa, e moito xogamos despois de comer.

As nosas mestras sacaron unhas fotos de recordo e coma sempre podedes botarlle un ollo na nosa galería de fotos ou premendo nestas imaxes.

Este venres 11 de marzo os máis cativos e cativas do noso centro desfrutaron dunha sesión de contacontos moi divertida na que non só escoitaron a historia dun lobiño peculiar que non quería ser malo coma a súa familia feroz, senón que participaron do conto disfrazándose e protagonizando varios fragmentos da historia deste "Lobo Feliz".

Coma sempre, podedes visitar a nosa galería de imaxes ou premer nalgunha destas fotografías para botar un ollo ás cariñas dos/as nosos/as rapaces/as que tan ben o pasaron.

O Nadal xa case está aquí e no noso colexio sabemos que as vacacións están a piques de chegar cando recibimos a visita dos Paxes dos Reis Magos. Este ano, ademáis dos Paxes, tamén se deixou caer por aquí un personaxe ao que todos e todas queremos moito, o Apalpador. Deixáronnos as cartas para escribirlles aos Reis e un montón de caramelos para endulzármonos estes últimos días antes do merecido descanso.

Premede nas imaxes ou visitade a nosa galería de fotos para ver as cariñas dos nosos cativos e cativas.

O pasado xoves 3 de decembro os cativos e cativas de Educación Infantil, coa axuda e colaboración dos compañeiros/as de cuarto de primaria, fixemos un taller de cociña con receitas moi sinxelas inspiradas nestas datas próximas ao Nadal. Fixemos uns ricos petiscos de ratiños de queixo e uns Papá Noeles, tamén de queixo; despois uns deliciosos sandwiches de bonecos de neve e rematamos cunhas sobremesas gorentosas de froita, unha árbore de Nadal de kiwi e uvas e unhas brochetas de boneco de neve de plátano e mazá.

As mestras tiraron unhas fotiños do noso traballo dentro deste proxecto do Programa Aliméntate Ben que forma parte do Plan Proxecta no que estamos a traballar neste curso; entrade na nosa galería de fotos ou premede nestas imaxes para ver un chisquiño da elaboración e degustación do noso menú de nadal.

O martes 27 de outubro os nenos e nenas de 5º e 6º de Educación Infantil asistiron  ao concerto didáctico "Acábate la sopa" no Auditorio de Galicia . Ás veces non é fácil acabarse a sopa e, mentres o intentamos , a nosa imaxinación pode levarnos a outros mundos onde os personaxes aparecen en lugares inesperados e a música soa ao redor transformando a cociña nun espazo fantástico onde todo é posible.