Saída de outono ao río Gallo. 2016

Este venres 21 de outubro o alumnado de educación infantil fixo unha saída ao río Gallo como parte dunha das actividades do Proxecto Ríos, un dos Plans Proxecta de Innovación Educativa nos que está a participar o profesorado do noso centro. A saída consistía en facer unha camiñada pola vila de Cuntis ata a ribeira do río para facer unha pequena inspección do seu estado medioambiental, recoller mostras para traballar na aula, fotografiar as cousas que nos chamaran a atención para estudar detidamente na escola e compartir un momento na compaña dos nosos compañeiros/as de etapa tomando a merenda e xogando un chisquiño á beira do río da nosa contorna máis próxima.

As mestras que acompañaron aos cativos e cativas do noso centro fixeron unhas fotos para levar á escola e deixar testemuña dun día de traballo diferente aos demáis. Podedes botarlle un ollo premendo nestas imaxes ou visitando a nosa galería de fotos.