CPI Aurelio Marcelino Rey García

O pasado martes 21 de Novembro pola tarde o alumnado de 1° e 2° ESO asistiu á charla e ao obradoiro de trampas para avispas velutinas guiado pola asociación Stop velutina Umia, incluído nas actividades organizadas polo Mes da Ciencia do centro. Para levalo a cabo foi preciso que trouxeran da casa unicamente unha botella de plástico transparente (de cor non serven), de 2 litros ou mellor de 5 litros. Todas/os os/as participantes realizaron un bo traballo e tamén puideron ver un niño que trouxo o voluntariado de Protección Civil, polo que foi unha tarde moi aproveitada na que tomaron conciencia da grave problemática que supón esta especie invasora.

Coma sempre, visitade a nosa galería de fotos ou premede nestas imaxes para ver algunhas das curiosidades da tarde....

Dentro do programa de obradoiros e charlas que, en colaboración co concello, estase a realizar neste mes de novembro con motivo do Dia internacional contra a Violencia de Xénero, o alumnado de 3º e 4º da ESO asistiu este luns ao obradoiro “Contamos todas”, no que o grupo “Tropa de trapo” dramatizou dúas historias: o compromiso das mulleres maiores dunha aldea de Allariz para aprender a montar en bicicleta, e o remate da guerra civil de Liberia grazas á acción das mulleres.

A continuación debateuse entre o alumnado sobre o machismo na sociedade actual, centrándose na situación de desigualdade de oportunidades, salarios, ...

Foi unha actividade moi interesante, e que gustou moito ao alumnado. Podedes botarlle un ollo ás fotos premendo nestas imaxes ou visitando a nosa galería de imaxes...

O alumnado de primeiro a cuarto curso de Primaria participou na xornada do xoves 16 de novembro dunha serie de obradoiros sobre Igualdade de Xénero, "Novas masculinidades e feminidades" impartidos no noso centro en colaboración do Concello de Cuntis. 

A través de contos, historias, debuxos e actividades moi amenas a nosa rapazada traballou e ideou varios lemas de vida para un Mundo da Igualdade onde "todas e todos somos importantes" e onde "todas e todos somos o que queremos ser".

Coma sempre, premede nestas imaxes ou visitade a nosa galería de fotos, e podedes ver algúns dos momentos vividos....

O alumnado de Educación Infantil do noso centro está a participar dunha serie de Obradoiros, " Xogos, xoguetes e videoxogos", que está a impartir unha técnico do Concello de Cuntis ao abeiro da temática da Igualdade de Xénero neste mes de novembro.

Entre contos, cancións, xogos, xoguetes e moita diversión os máis cativos e cativas do colexio están aprendendo que a igualdade é posible e que comeza dende o máis simple xesto, a nosa persoa.

Premede nestas imaxes e veredes algúns dos momentos que vivimos en igualdade de xogos....

Comezamos esta segunda semana do mes da Ciencia cos tradicionais experimentos impartidos polo alumnado de 3° PMAR e 4° ESO para o de Educación Primaria. Estes días pasaron polo laboratorio 3° e 4°A EP (durante os recreos do martes e do mércores) e 1° ESO (nos dous recreos do xoves), realizando novos experimentos relacionados coas materias de Bioloxía e Xeoloxía, Tecnoloxía e Física e Química.

Este curso, como novidade, o alumnado de 1° ESO colaborou tamén nestas sesións amosando aos/ás seus/súas compañeiros/as os coñecementos sobre Robótica que adquiriron durante o curso pasado. É sen dúbida a actividade formativa para ambas etapas que goza de maior éxito entre o alumnado, “sacrificando” incluso con gusto o seu tempo de ocio no centro, que non lle chegou a nada. 

Coma sempre podedes visitar a nosa galería de fotos ou premendo nestas imaxes...

            3º de Primaria                          4ºA de Primaria                          1º de ESO