Skip to Content

Eleccións Consello Escolar

Mér, 30/10/2024 - 05:23 — admin

Comunicamos a toda a comunidade educativa que se veñen de convocar as eleccións para a renovación parcial do Consello Escolar do centro, para todos os colectivos implicados, alumnado, profesorado, representantes de familias e persoal de administración e servizos. Os censos dos diferentes colectivos estarán pendurados no cortizo de información do centro e podedes pasar a comprobar que a vosa información é correcta.

Quen queira presentar candidatura, pode recoller o impreso en administración, e debe achegalo entre o 1 e o 8 de novembro. Tamén o podedes facer por correo electrónico, envíando un documento asinado dixitalmente no que indiquedes os vosos datos e o colectivo polo que vos presentades.

As votacións terán lugar os seguintes días:

Profesorado: luns 18 de novembro, en claustro extraordinario.
Nais/pais: martes 19 de novembro de 9:00 a 16:00
PAS: mércores 20 de novembro de 10:00 a 14:00
Alumnado: xoves 21 de novembro, de 9:00 a 14:30

Podedes consultar toda a información relativa no ficheiro.

 
 
 

Candidaturas Consello Escolar

Mér, 13/11/2024 - 05:57 — admin

Quedan proclamadas as candidaturas para a renovación do Consello Escolar:

Pais/nais:

José Lorenzo.

Representante ANPA

Berta Blanco

Alumnado:

Xosé Tomé

Carla Pose

Cinthya Antelo

Manuel Varela

Alba Varela Pose

PAS:

Raquel Álvarez

Docentes:

Alberte Méndez

Elena Alcoba

Marta Vidal

 

Reunións con familias 1º e 2º ESO

Ven, 04/10/2024 - 04:20 — admin

Lembramos que este luns, día 7 de outubro, haberá reunións de titores de 1º e 2º ESO coas familias do alumnado. As reunións terán lugar ás 17:10.

Calquera dúbida, poden poñerse en contacto co centro polas canles habituais.

Información alumnado Edixgal

Xov, 19/09/2024 - 06:45 — admin

A aqulelas familias que teñen alumnado en cursos E-dixgal (4º e 5º EP e 1º e 2º ESO), lembrarlles que teñen información ao respecto do programa nesta ligazón: https://espazoabalar.edu.xunta.gal/es/e-dixgal/informacion-para-las-familias

Asimesmo, deixamos aquí a información relativa á posible contratación (externa ao centro) dun seguro para o equipo do alumnado.

 

 

Cambio de xornada e horarios

Mar, 23/07/2024 - 07:21 — admin

Estimadas familias: A Consellería de educación resolveu oficialmente autorizar a petición do noso centro da xornada única. A primeira semana de setembro enviaremos un recordatorio coa información. Saúdos e bó verán.

Podedes consultar como quedan os horarios lectivos do centro no apartado correspondente.

Matilde Rodríguez Vázquez
Directora do CPI Alcalde Xosé Pichel
Coristanco

 

 

Axudas e fondo de libros

Mér, 10/07/2024 - 08:20 — admin

Vales para adquisición de material e libros de texto

Están a disposición das familias os vales de material e compra de libros de texto. As familias que teñan dereito a eles poden recollelos en administración, de 9:00 a 14:00, desde hoxe ata o 23 de xullo. Os vales que non sexan recollidos nesas datas serán entregados en setembro.

Fondo de libros

Está publicada a lista provisional da adxudicación de libros de texto, pódese consultar no taboleiro de anuncios do centro, na aplicación fondo libros https://www.edu.xunta.gal/fondolibros/ ou no teléfono 881880536. O prazo de reclamacións é ata o día 12 de setembro, inclusive.

 
 
 

Modificación instrucións de comedor - Parellas de feito e custodia compartida

Xov, 04/07/2024 - 06:44 — admin

A día de hoxe, a Consellería de Educación achega unha modificación das instrucións de comedor que afecta ás parellas de feito e ás familias en réxime de custodia compartida, que deberán incluír no cálculo da renda familiar per cápita aos dous proxenitores.

Sentimos as molestias ocasionadas porque esta información chegue a unha altura na que a maioría das familias xa teñen entregadas as solicitudes de comedor dacordo coas instrucións previas, pero se nos acaba de comunicar agora mesmo.

 

Impresos comedor xuño

Xov, 27/06/2024 - 03:35 — admin

Están os impresos de pago de comedor a disposición das familias cuxos fillos/as fixeran uso do servizo en xuño. Podedes recollelos en administración. Lembramos que é imprescindible ter formalizados os pagos do curso 23/24 para poder facer uso do comedor no vindeiro curso 24/25.

Horario de administración

Mér, 26/06/2024 - 08:47 — admin

9:00 - 14:00

xuño e xullo

Por cuestións organizativas, para poder administrar o volume de solicitudes que se xestionan nestas datas, informamos de que o horario de atención ao público no centro será de 9:00 a 14:00, desde o día 27/6 e durante o mes de xullo.

Lembrámosvos que vos podedes poñer en contacto con nós mediante o teléfono 881880536 e no e-mail cpi.alcalde.pichel@edu.xunta.gal

 

Eduexchanges 2024

Mar, 25/06/2024 - 07:55 — admin
Dende o pasado 16 de marzo e ata o 24 do mesmo mes 12 alumnos do CPI Alcalde Xosé Pichel de Coristanco participaron do programa Eduexchanges de intercambios escolares convocado pola Xunta de Galicia. Nesta ocasión viaxaron a Barbezieux (Nouvelle Aquitaine, Francia) xunto cun grupo de estudantes do IES Monte Neme de Carballo. Durante unha semana estiveron coas familias de acollida, polo que poideron desfrutar da cultura francesa dende diversas perspectivas (familiar, escolar, culinaria, de ocio...). Estiveron acompañados por dúas profesoras do centro, e visitaron lugares tan emblemáticos como Aubeterre, La Rochelle, Angoulême ou o Futuroscope de Poitiers. 
Os seus "correspondants" franceses, pola súa banda, visitaron Coristanco e Carballo dende o 26 de abril ao 3 de maio. Coñeceron a nosa contorna (a comarca de Bergantiños, Santiago de Compostela, A Coruña...),así como os nosos costumes, a nosa gastronomía e a nosa lingua. Moitas grazas ás familias e aos rapaces que participaron nesta aventura!!! 
Quen desexe vivir unha experiencia similar en Francia neste curso 2024-25, que se poña en contacto coa profesora de Francés: eparcero@edu.xunta.gal
interchange fransés
Distribuir contido


by Dr. Radut