CPI Alcalde Xosé Pichel |

II EDICIÓN CONCURSO DE CARRILIÑAS

Ven, 18/02/2022 - 11:49 — admin

Un curso máis,queremos ver rodar pola pista aos vosos bólidos, impulsados única e exclusivamente pola incorruptible forza da gravidade! Organizamos a 2ª edición do concurso de Carriliñas do CPI Alcalde Xosé Pichel!
Seguramente xa saibas de que vai o asunto, pero, por se acaso, lembrámosche que consiste en construír un obxecto rodante que baixe pola nosa pista coa única axuda do seu peso e a súa perfecta enxeñaría. Podedes consultar as bases do concurso [1] para ver todo en detalle, a inscrición [2] está aberta para todo o alumnado ata o día 7 de marzo e a competición se desenvolverá entre o 21 e o 25 de marzo.
Anímate a participar, haberá cinco grandes premios!

Premios edición 2021/22
Carriliña máis rápida
Carriliña máis orixinal
Premio ao mellor exercicio de reciclaxe
Premio á mellor enxeñería/mellor deseño
Carriliña máis lenta

[1] BASES DO CONCURSO

[2] FORMULARIO DE INSCRICIÓN

ENTROIDO 2022

Ven, 18/02/2022 - 11:41 — admin

O vindeiro 25 de febreiro celebraremos o Entroido no centro. E para ir comezando, e como xa ben sendo tradición no centro, deixámosvos cos mandadiños da semana:

OBRADOIRO DE CINEMA NO PICHEL

Mér, 16/02/2022 - 06:56 — admin

O alumnado de 4º da ESO, participou nos obradoiros de cinema como vimos facendo nestes últimos anos. 4ºA traballou a temática lésbica e 4ºB, a transexualidade.

O resultados foron dúas excelentes curtametraxes, que podedes ver a continuación:

¡PARABENS AO ALUMNADO!

Departamento de Orientación

PREME NA IMAXE PARA VER OS CARTEIS DAS CURTOMETRAXES

Álbum: SECUNDARIA 21/22 -> TALLER CINEMA

25 - N: Día Internacional da Eliminación da Violencia contra a Muller

Mar, 15/02/2022 - 07:04 — admin

O pasado mes de novembro, celebramos no centro o Día Internacional da Eliminación da Violencia contra a muller. Deixámosvos un pequeno vídeo sobre a actividade que se organizou para ese día, que podedes ver premendo no seguinte enlace:

INSTRUCIÓNS PARA O PAGO DO COMEDOR ESCOLAR POR ABALAR

Xov, 10/02/2022 - 10:51 — admin

Para ver as instrucións sobre o pago telemático do comedor escolar, preme AQUÍ

CELEBRACIÓN DO DÍA DA PAZ E A NON VIOLENCIA

Mér, 02/02/2022 - 08:28 — admin

O pasado luns, 31 de xaneiro, celebramos no centro o día da paz e a non violencia. Deixámosvos un pequeno vídeo sobre a actividade que se organizou para ese día, que podedes ver premendo no seguinte enlace:

VÍDEO DA PAZ

MUSEO DA PATACA

Mér, 12/01/2022 - 06:54 — admin

Dende o centro estamos a colaborar co Concello de Coristanco na promoción e dinamización do Museo da Pataca. Podedes consultar toda a información premendo AQUÍ

FELICITACIÓN DE NADAL

Lun, 20/12/2021 - 17:27 — admin

En nome de toda a comunidade educativa e no meu propio, queremos desexarvos un Bo Nadal e Feliz Ano 2022, cargado de bos desexos e moita saúde.

O director

Preme no ENLACE para ver a postal de Nadal

DISTRIBUCIÓN DE MÁSCARAS ENTRE O ALUMNADO MATRICULADO EN EDUCACIÓN PRIMARIA E SECUNDARIA

Lun, 15/11/2021 - 09:49 — admin

CIRCULAR INFORMATIVA

ANEXO I

ANEXO II

ORDE 28 DE OUTUBRO DE 2021

ACTIVIDADES PARA A CELEBRACIÓN DO SAMAÍN E O MAGOSTO 2021

Lun, 25/10/2021 - 06:17 — admin

Na semana lectiva do 25 ao 29 de outubro o CPI Alcalde Xosé Pichel desenvolverá unha serie de actividades para celebrar a festividade do Samaín. Entre elas, están as seguintes:

Concurso de portas terroríficas: o alumnado do edificio de Secundaria decorará as portas das respectivas aulas con motivos asociados ao Samaín. Na primeira semana de novembro, o alumnado de Infantil e Primaria fará unha visita ao edificio dos maiores para ver o resultado da actividade e para elixir a porta gañadora.
Exposición de patacas e vasoiras decoradas (Primaria) e Exposición de cabazas e vasoiras decoradas (Secundaria): as creacións do alumnado de ambos os edificios expoñeranse en cadanseu vestíbulo durante a semana do Samaín e mais a seguinte (primeira de novembro).
Certame de relatos "Ai, que medo pasei apañando as patacas": concurso de contos para o alumnado de Primaria, nos que o tema principal estará vinculado ás patacas, que este ano serven de centro de interese para a meirande parte das actividades que se van desenvolver.
Narración de contos de medo: o alumnado de 4º ESO visitará as aulas de Infantil e Primaria para compartir con eles contos, lendas, historias e tradicións asociadas á festa do Samaín.
Magosto: o venres 29 haberá degustación de castañas e xogos tradicionais para todo o alumnado do centro.

Ímolo pasar de medo!

Equipos de Dinamización da Lingua Galega e Departamento de Actividades Complementarias e Extraescolares

1 adxunto

CPI Alcalde Xosé Pichel