Como xa é tradición no Caselles, hoxe celebramos o día dos mortos, o Samaín. Como cada ano as familias e os nenos e nenas colaboraron coas súas cabazas, houbo de tódalas cores e para tódolos gustos. Tampouco podían faltar os disfraces, daba medo velos!

Podedes ver as fotos premendo na imaxe.

Por fin unhas festas do outono sen máscaras, sen separacións, sen medidas COVID... De novo todos xuntos, gozando, animando e co tempo da nosa parte. Un día perfecto!

Empezamos coas carreiras do outono, por cursos, carreiras no que o que importa é participar, e participaron todos.

Despois un gran recreo e a continuación os xogos populares. No patio formáronse equipos con nenos e nenas de diferentes cursos: oleiros, cesteiros, zoqueiros, ourives, curtidores, ferreiros, telleiros... que foron rotando polos recunchos de xogos populares: catro esquinas, mariola, carreira de sacos, buxainas, marro, zancos, brilé, ra, ferradura, chave e corda. Ao mesmo tempo outro grupo facía as fogueiras e asaba as castañas, que como remate de xornada, degustamos xuntos.

Tódalas actividades tiveron como monitores ao alumnado de sexto curso. As fotos tamén foron tiradas por elas. Se as queredes ver, premede na imaxe.

E por fin, despois de dous anos de parada e restricións, por fin temos o noso Festival de Fin de Curso con relativa normalidade. A piques estivo a chuvia de estragarnos a tan cobizada normalidade, pero ao fin deunos unha tregua  e as cousas saíron a pedir de boca.

Moita alegría, moito sorriso, moita música e moita festa. Se queredes ver tódalas fotos, premede na imaxe.

Estamos de vacacións!

Este verán hai que desconectar do cole, e aproveitalo moito disfrutando do calor, xuntándose cos amigos e amigas. E tamén participando en distintas actividade, ás que vos animamos.

Poñémosvos aquí  enlaces para apuntarvos a distintas actividades.    Bo verán!   Verémonos de novo o 8 de setembro.

Este venres día 20, o CEP Plurilingüe Pedro Caselles Beltrán ao completo, fixemos unha excursión a Santiago. Catro autobuses saíron do colexio rumbo a Santiago para facer un anaquiño do camiño de Santiago, o que vai do monte do Gozo a Catedral.

Camiñamos moito e pasámolo moi ben, estivemos na praza do obradoiro e entramos a catedral, aínda que non nos deixaron ver o pórtico da Gloria, e iso enfadou a algunhas das nosas profesoras, que querían explicarnos cousiñas alí. Despois fomos camiñando ata a Alameda para xantar, mercamos algúns recordos e xa voltamos a Tomiño. Chegamos agotados!

Para ver tódalas fotos da viaxe, preme na imaxe.

Emitimos en directo!   O xoves 12 de maio inauguramos  a nosa megafonía exterior, e aproveitando a semana cultural falamos do  Camiño de Santiago a toda a comunidade.

A emisión non foi moi ben. Tivemos problemas técnicos diversos, e o resultado final está aqui reflexado. Pero están colgados todos os podcasts dos difentes grupos ,e podedes escoitar con calidade. 

Prometemos mellorar técnicamente na próxima edición, que será pronto!

Marabilloso retorno a normalidade coas nosas xornadas de Educación Vial. No ano 2020 foi a última actividade que fixemos antes de ser confinados. No ano 2021, por precaución e protocolo, non se organizou, pero neste curso a ANPA Mosteiro volveu a organizar esta fantástica actividade en colaboración coa Dirección Xeral de Tráfico, Policía Local de Tomiño, Protección Civil e Garda Civil.

Cada curso recibiu unha charla de Educación Vial, e despois puxeron en práctica o aprendido no circuíto montado no patio. O luns 1º e 2º curso, o martes 3º e 4º curso, o mércores 5º e o xoves 6º.

Estas xornadas, ademais de para fomentar a educación vial, tamén fomentan o uso da bicicleta. Cada nena e neno trae nese día a súa bici ao colexio, creando un colorido e motivador ambiente no Caselles, con momentos de nervios e excitación.

Como cada ano, 5º e 6º curso, tiveron a opción de percorrer o circuíto montados en karts facilitados pola propia DGT, outra actividade para engadir emoción ao evento.

Ademais das charlas e o circuíto, nenos e nenas tiveron a ocasión de ver ben de preto os coches, camións e motos e equipamentos oficiais das forzas de seguridade.

Agradecer a ANPA Mosteiro a organización da actividade e a DGT, Policía Local, Protección Civil e Garda Civil a súa colaboración.

Podedes ver tódala fotos e buscar as vosas fillas e fillos premendo na imaxe.

A partir do luns 28 de marzo comezaremos unha nova edición das xornadas de Educación Vial no noso centro. Nestas xornadas visitaranos persoal da DGT, así como da policía local e protección civil para concienciar ao noso alumnado sobre a educación vial, incluíndo un circuito no que o noso alumnado poderá poñer en práctica as boas maneiras circulando por vías púbicas como peatón, ou conducindo algún vehículo.

O alumnado traerá as súas bicicletas para desenvolverse por este circuito no momento que lle corresponda.

Despois do parón do coronavirus, o Entroido volveu ao Caselles, con moita forza e ilusión. Este ano, baixo o lema "Tomiño no camiño" enchemos o Seixo de homenaxe ao Camiño de Santiago: Os peregríns do século XII de 1º e 2º curso, os zombies-peregríns de 3º, as Marías de 4º, os peregrinos modernos de 5º e os mollóns do camiño de 6º.

Xa botábamos de menos un pouquiño de normalidade, e os nenos e nenas pasárono en grande. As beirarrúas estaban cheas de espectadores e expectación. Un gran día!

Agradecer as tres nais da ANPA Mosteiro o seu tempo, pois mentres nós desfilábamos elas preparaban un delicioso chocolate con churros. Moitas Grazas!!

Para ver tódalas fotos, preme na imaxe.

Para mañá xoves, o Meco manda...

"Para rematar de camiñar,

o disfraz que che pete podes levar"