Hoxe 30 de xaneiro, como tódolos anos, o CEP Pedro Caselles celebrou o se Acto pola Paz.
Ao longo da semana nenas e nenos foron enchendo as letras da palabra paz con bandeiras dos países que traballamos este ano no proxecto de centro: Xapón, Nova Zelandia, Italia, Portugal, Brasil, Indonesia,Reino Unido e Marrocos, cada unha coa palabra paz no idioma correspondente.
Hoxe cada representante do nivel pegou a súa bandeiriña como acto simbólico, e logo todos xuntos cantamos a canción de Roberto Carlos "Eu quero ter un millón de amigos", porque se cada un facemos un millón de amigos, as guerras teríano un pouco máis difícil.
Hoxe 30 de xaneiro, como tódolos anos, o CEP Pedro Caselles celebrou o se Acto pola Paz.
Ao longo da semana nenas e nenos foron enchendo as letras da palabra paz con bandeiras dos países que traballamos este ano no proxecto de centro: Xapón, Nova Zelandia, Italia, Portugal, Brasil, Indonesia,Reino Unido e Marrocos, cada unha coa palabra paz no idioma correspondente.
Hoxe cada representante do nivel pegou a súa bandeiriña como acto simbólico, e logo todos xuntos cantamos a canción de Roberto Carlos "Eu quero ter un millón de amigos", porque se cada un facemos un millón de amigos, as guerras teríano un pouco máis difícil.
Como ven sendo habitual dende fai xa anos, o ultimo día de clase antes das vacacións de Nadal o CEP Pedro Caselles celebra o súa festa de Nadal.
Comezamos o día coa visita de Papá Noel, foi a ANPA Mosteiro a que negociou e conseguiu unha visita tan importante para o noso colexio... ah, e trouxo un agasalliño para cada neno e nena.
Despois convertémonos en artistas por uns minutos e deleitamos aos nosos compañeiros e familias coas nosas actuacións no festival de Nadal. Durante este , ademais das actuacións, estivemos aprendendo cousas de diferentes lugares do mundo: Brasil, Nova Zelanda, Portugal, Xapón, Marrocos, Italia, Reino Unido e Indonesia. E xa rematamos o día cunha chocolatada por xentileza da cociña do colexio. Podedes ver máis fotos premendo AQUÍ
Por fin o mal tempo deunos unha tregua para celebrar a nosa tradicional festa do magosto.
Comezamos as dez coas carreiras por cursos, cada curso con un circuíto diferente, que vai aumentando de dificultade a medida que subimos de curso.
E despois dun pequeno recreo, empezamos coas fogueiras para asar as castañas e cos xogos do mundo. Os nenos e nenas organizáronse por equipos para desfrutar de xogos típicos de diferentes países: De Brasil Bambú, un xogo musical de roda e bater na moeda; de Indonesia congkak e gunda si; de Gran Bretaña, conker e tiro ao pato; de Portugal malla portuguesa e os cinco cantinhos; de Italia, regina regina bella e bilboquet; de Nova Zelandia, hipitoi e poi rakau; de Xapón, hanetsuky e taketombo; e de Marrocos, sassabos e melakeef.
Rematamos a xornada coa degustación das castañas asadas.
Para ver tódalas imaxes da xornada preme na imaxe.
O día 15 nenas e nenos do CEP Pedro Caselles tiveron a súa excursión fin de curso. Este ano estivemos gozando das instalacións do Club de tenis Codesal na Guarda. Dende aquí queremos facer chegar a nosa gratitude a este organismo por cedernos desinteresadamente todas as súas instalacións para uso do noso alumnado.
Foi un día intenso, pero divertido. Se queredes ver máis fotos dese día, premede na imaxe.
Entroidada moi científica este ano no Caselles. o día ameazaba chuvia, pero finalmente o tempo púxose da nosa parte e puidemos desfilar ata a praza do Seixo.
Nesta ocasión foi un Entroido novidoso, pois o deseño dos disfraces quedou en mans das familias, e o resultado non puido ser mellor, creatividade elevada a máxima potencia.
Moitas grazas familias e parabéns polo voso bo facer!!
Como xa ven sendo habitual este ano volvemos celebrar no CEP Pedro Caselles un acto pola paz, coincidindo coa celebración do día da paz.
Neste acto faise unha posta en común das actividades que ao longo dunha semana se levan feito nas clases para conmemorar o día.
Este ano fixemos no corredor central o izado dun gran lazo branco cuberto polas mans dos nosos nenos e nenas cheas de desexos de paz, e xa fóra, no patio, completouse un crebacabezas dunha pomba tamén chea de mensaxes alusivos a boa convivencia entre seres humanos. Cada nena e neno portaba nas súas mans unha pomba igual, pero de menor tamaño.
E xa chegou Nadal, e con el as vacacións e a despedida do ano 2017.Este ano coa visita de Papa Noel, que estivo recollendo as cartas e dando agasallos as nenas e nenos do Pedro Caselles.
Tamén chegou o esperado festival de Nadal, este ano dominado totalmente pola música.
