O vindeiro luns comezamos coa celebración do entroido no Caselles. Non esquezas facer caso ao Meco, que xa apareceu polo noso cole coa súa primeira orde:
Ao ritmo de "Apertas que voan" de Paco Nogueiras celebramos hoxe o día da paz. Nenas e nenos de tódolos cursos, saíron ao patio para formar ben grande a palabra paz. Unha verba que sempre debería estar nos nosos beizos e na nosa mente. PAZ
Outro ano máis o Nadal non se puido celebrar con normalidade, outro ano máis en que suspendemos o noso festival, pero aínda así o espírito do Nadal inundou o Caselles.
A nosa súper ANPA Mosteiro conseguiu convencer a Papá Noel que viñera a mimar un pouco aos nenos e nenas do Pedro Caselles, e ademais trouxo un agasallo para cada un. Fíxonos moita ilusión e recibímolo cos brazos abertos. Premede na imaxe para ver tódalas fotos.
Ao longo da mañá cada curso fixo fronte e resolveu un reto pensado polos seus compañeiros, podedes velo AQUÍ
E coa axuda das familias decoramos o centro con cunchas de vieira moi navideñas, premede na foto para velas todas.
Xa ven sendo habitual celebrar o Samaín no Caselles o último día de outubro. Murais que meten medo, historias terroríficas, e un colexio cheo de bruxas e bruxos, morcegos e morcegas, vampiros e vampiras, zombis...cousas que nin podedes imaxinar.
Tampouco faltou a exposición de cabazas coa que colaboraron as familias, e vaia se colaboraron!, tivemos que poñer unha mesa extra.
Por primeira vez, despois de dous anos, tivemos unha celebración con tintes de normalidade. Faltounos a presenza e o calor das familias, e os diferentes niveis non se puideron mesturar, pero aínda así, a nosa festa do outono, xa nos recordou a outras épocas, na que o coronavirus non controlaba a nosa existencia.
Empezamos a primeira hora coas carreiras por niveis. Todos os nenos e nenas do Caselles fixeron a súa carreira na medida das súas posibilidades e gozando ao máximo.
Rematada a carreira, e despois dun pequeno recreo, comezaron os xogos populares: marro, soga-tira, carreira de sacos, a ferradura, a ra, brilé, buxainas, mariola, chave, as catro esquinas e zancos. Todos estes xogos estiveron controlados por uns monitores e monitoras moi especiais, as nenas e nenos de sexto curso. Ao mesmo tempo outro grupiño estivo facendo as fogueiras e asando as castañas. Temos que felicitar o bo facer e o alto nivel de competencia destes axudantes.
E xa como remate de xornada, degustación das castañas asadas. Estaban boísimas!!!
O dito, non foi normalidade, pero parecíase bastante.
As adegas Altos de Torona invitáronnos a compartir a súa vendima, e foi unha oportunidade que non quixemos desperdiciar. Nenas e nenos de 1º, 2º, 3º e 4º curso, aproveitando a proximidade dos viñedos ao noso colexio, fomos dando un paseíño. O alumnado 3º e 4º foron e volveron andando, 1º e 2º só baixou, custou subir a costa, pero despois gozamos das marabillosas vistas do seu miradoiro.
Recibíronnos unhas mozas moi atentas que lle regalaron unhas camisetas a cada neno e nena, que de seguido estrearon. Despois explicáronnos cousas moi importantes e moi interesantes sobre as uvas e a vendima. E xa como remate, todos a vendimar!!!
Foi unha experiencia moi educativa e enriquecedora, e dende o CEP Plurilingüe Pedro Caselles Beltrán queremos agradecer as adegas Altos de Torona a invitación e o trato recibido. Esperamos repetir o ano que ven. Moitas grazas!
Foi un curso especial e diferente por mor da COVID-19!
Pero a pesar de todo isto, saímos adiante e superamos as adversidades e o alumnado do CEP PEDRO CASELLES BELTRÁN esforzáronse e superánronse con todas as novidades que dita situación conlevou: uso de tapabocas e xel, respectar as distancias, os grupos-burbullas....
Uns auténticos campeóns!
Coa situación da COVID cunha certa estabilidade celebrouse o tradicional festival de despedida do curso. A continuación deixamos fotos e videos coas diferentes e variadas actuacións na que participaron todos os cursos do colexio pero os grans protagonistas foron os alumnos e alumnas de 6º de primaria que nos deixan unha pegada polo seu paso no noso centro.
Coas condicións meteorolóxicas favorables rematamos a semana cultural coa celebración do Festival das Letras galegas.
Os protagonistas e o peso leváronno os nenos e nenas de 1º e 2º de primaria pero houbo distintas participacións doutros cursos, dando como resultado a unha variedade de actuacións. Dende unha dramatización relacionada coa temática do cole (E-COMEDOR), presentación e recitado adicado á escritora homenaxeada polas Letras Galegas: Xela Arias e, por último, homenaxe a nosa cultura e a nosa contorno.
Ademais entregouselles un diploma aos voluntarios e voluntarias de 5º e 6º de Primaria como recompensa ao seu traballo e esfrozo adicado ao roteiro do día do Libro.
Aquí tedes os videos destas fermosas actuacións que, a pesar dalgúns problemas técnicos de son, os nenos e nenas realizaron espléndidamente.
