Nenas e nenos de 3º e 4º curso fomos este martes tres de decembro de visita a granxa escola "Corazón de Carballo". Como está moi preto do colexio, e, aproveitando o bo tempo, fomos todos camiñando.

Alí vivimos moitas experiencias en contacto coa natureza: tivemos a oportunidade de coñecer  e contactar cos animais da granxa, controlar as nosas emocións a través do ioga, plantar na horta plantas aromáticas, visitar a aula da natureza ou mesmo ver o funcionamento dunha composteira...
Pasámolo xenial e aprendemos un montón!

Para ver tódalas fotos da xornada preme na foto.

A semana pasada e co motivo da celebración do Día Internacional contra a Violencia de Xénero, durante os momento lectores, realizamos diferentes actividades dirixidas polo alumnado de cuarto.

Nestas sesións, os compañeiros e compañeiras, expuxéronnos un traballo que realizaron sobre a igualdade de xénero. Ademais de proxectarnos un vídeo e elaborar diferentes xogos nos que todos participamos. 

Para ver todas as imaxes, prema aquí.

O próximo luns, día 25, celébrase o

Día Internacional da Non Violencia de Xénero.

Trátase dun tema fundamental para a nosa sociedade sobre o que todos e todas debemos reflexionar. Dende a biblio, xa comezamos a traballalo cos nenos e nenas de 5º que se volcaron na elaboración dun mural.

Para ver todas as imaxes, prema aquí.

Dende este espazo animámosvos tamén  a lectura de magníficos libros como Arturo y Clementina, Rosa Caramelo ou ¿Hay algo más aburrido que ser princesa?

Estes libros tamén os podedes encontrar en formato vídeo!

Durante o mes de Novembro dende a biblioteca estamos celebrando o Mes da Ciencia. Ao longo dos recreos realizamos diferentes experimentos ós que todo o colexio pode acudir.

Varias mestras comezaron expoñendo os seus experimentos e días máis tarde fixérono numerosos alumnos.

Aínda quedan moitos experimentos por descubrir así que...

animádevos a desfrutar desta magnífica actividade!

Para ver todas as imaxes, preme aquí.

 Durante os meses de Setembro e Outubro tivemos de aniversario a varios compañeir@s!!!!

MOITOS PARABÉNS!!!

Para celebrar o mes da biblioteca os compañeiros e compañeiras de cuarto ensináronnos durante os recreos moitas curiosidades sobre o mundo das ABELLAS e do MILLO.

Así todo o colexio puidemos aprender un montón sobre estes temas que eles anteriormente traballaron nas súas aulas. 

Para ver todas as imaxes, preme aquí.

Estes primeiros días na biblio traballamos un montón…Adicámonos a recordar as normas, cómo se buscan os libros, as partes destos… Todo o traballo necesario para que a biblio funcione perfectamente!!!

Para ver todas as imaxes, preme aquí.

 O pasado mes de Outubro abrimos a biblioteca do cole con moitas ilusións e novas actividades. Este ano contamos cunha novidade que seguro vos vai encantar…. Temos unha cociña na biblio!!Nesta cociña dispoñemos dun MENÚ LECTOR. Cada mes recomendaremos diferentes libros así que…

A DEVORALOS!

Para ver todas as imaxes, preme aquí.

Hoxe no CEP Pedro Caselles foi un día terrorífico, bruxas, vampiros, mortos viventes... encheron as nosas aulas.

Nenas e nenos, coa axuda das súa familias, ademais de vir terroríficamente disfrazados, trouxeron cabazas para a xa habitual exposición que facemos tódolos anos.

As profes de inglés tamén fixeron actividades para a ocasión, solo que elas lle chaman Halloween...

Os máis pequenos do centro foron os máis implicados, pois ao longo da semana estiveron preparando o mural e facendo debuxos de medo. Tamén estiveron na biblioteca escoitando historias de medo, pero sen vampiros, momias, homes lobo... eran historias de medo de Tomiño: A Santa Compaña, o Tardo e a Mariamanta...

Para ver tódalas fotos, preme na imaxe.

Nenas e nenos de 5º de primaria acudiron esta semana e a anterior á veciña Vilanova de Cerveira para participar nos obradoiros artísticos, conxuntamente con nenas e nenos de Cerveira. Esta actividade forma parte da proposta gañadora do Orçamento Participativo Transfronteiriço 2019, impulsada por Associaçoes de Pais e Nais dos Centros Escolares de Cerveira e a Mesa de ANPAS dos Centros educativos de Tomiño.

Esta actividade forma parte do proxecto Eurocidade Cerveira-Tomiño, nenas e nenos das dúas localidades acudiron ao impresionante paraxe do convento de San Paio para compartir esta experiencia artística, na que se misturou arte, valores e reciclaxe.

Para ver máis fotos preme na imaxe.