Informamos que xa están publicadas as LISTAXES PROVISIONAIS do fondo de libros e vales para a adquisición de material escolar para o curso 2024-25. Poderán consultarse na secretaría do centro ou chamando por teléfono ao número 886111135.
O luns 1 de xullo publicaranse as LISTAXES DEFINITIVAS. Poderán consultarse no taboleiro interior do colexio ou chamando ao centro.
Os vales de libros poderán recollerse dende o martes día 2 ata o venres 5 de xullo en horario de 10:00h. a 13:00h. Aqueles vales que non sexan recollidos serán entregados en setembro.
Ao longo do curso a actividade científica tivo os seús momentos de protagonismo. A CIENCIA, espertou curiosidades, fomentou espectativas e por que non, sinalou posibles vocacións entre o noso alumando de 6º.
O alumnado de 6º ven de desenvolver a fase práctica do proxecto "Descubrindo o norte" no campus da Universidade de Vigo. Como sempre, tivemos unha gran acollida e o alumnado gozou dunha experiencia única. A xornada da mañá comezou cos obradoiros no departamento de Física Aplicada da Escola de Enxeñería Industrial, onde todos fomos sorprendidos pola "maxia" da física. A continuación, da man da OMA (Oficina de Medio Ambiente), coñecemos a biodiversidade do campus. No Centro de Investigacións Biomédicas esperábanos todo un equipo científico para espertar a nosa curiosidade sobre os nanomateriales e as súas posibles aplicacións. Finalizamos o paseo científico coa presentación de biomateriales en CINTECX. No comedor da Minas, recuperamos as forzas necesarias para gozar dunha carreira de orientación, en colaboración co Servizo de Deportes, á que se uniron as familias do noso alumnado. No merendeiro do monte de Beade puxemos fin a unha xornada estupenda. Moitísimas grazas á Universidade de Vigo pola súa inestimable colaboración.
Hoxe compartimos unha xornada incrible cos "Xogos populares". 18 colexios do Val Miñor e o CEP Plurilingüe Igrexa Valadares como invitado, gozamos xogando e socializando en Gondomar. Foi o remate e posta en práctica da unidade de Xogos que estamos desenvolvendo nas clases de Educación Físca no colexio. Engádese o enlace á galería fotográfica e un pequeno vídeo como resumo da xornada.
Ao longo do curso a actividade científica tivo os seús momentos de protagonismo. A CIENCIA, espertou curiosidades, fomentou espectativas e por que non, sinalou posibles vocacións entre o noso alumando de 6º.
