CEP Plurilingüe Igrexa-Valadares

O cros ou campo a través é unha modalidade de atletismo que consiste principalmente en percorrer distancias campo a través, é dicir, en circuítos naturais non urbanos. Estivo dentro do programa olímpico de atletismo durante tres Xogos Olímpicos, en Amberes 1920, Estocolmo 1912 e París 1924, e competiuse en dúas modalidades: individual e por equipos. Actualmente a máxima competición é o Campionato Mundial de Campo a través que se celebra anualmente con sede itinerante. Nace como deporte organizado en Inglaterra no século XIX e compítese tanto a nivel individual como en equipos.

Do mesmo xeito que outros moitos deportes, a forza de vontade, a constancia, o esforzo para superar as dificultades tanto propias como as que poidan xurdir alleas a nos, as vitorias e, sobre todo, as derrotas (que solen ser as máis frecuentes) así como outros moitos aspectos, supoñen un importante cúmulo de valores pois implementan actitudes integradoras e inclusivas, de aceptación das diferenzas e superación persoal e, por suposto, elimina calquera tipo de sesgo sexista. Por todos estes motivos, fomentamos a participación do noso alumnado neste tipo de eventos a través do proxecto “Descubrindo o norte”

Esta actividade estivo organizada polo Servicio Provincial de Deportes a través do programa Xogade.

Galería fotográfica

A Educación Física xoga un papel crucial no desenvolvemento dos rapaces e rapazas nun momento onde os xogos na rúa perderon o protagonismo que tiñan anos atrás. Os xogos facilitan o desenvolvemento nas distintas etapas do crecemento nos tres grandes ámbitos: o físico, o social e o psíquico. Os órganos, aparellos e sistemas da nosa anatomía van conformándose de xeito eficaz e harmónico. Os xogos, ademais, melloran a autoestima, facilitan e melloran as estratexias  sociais e conseguen que cada un coñeza os seus límites e capacidades.

Nesta liña, o desenvolvemento das habilidades físicas básicas (saltos, xiros, desprazamentos, equilibrios…), a través de xogos de rol, onde os participantes asumen unha función para conseguir un obxectivo común, desenvolve á vez conductas sociomotrices que integran positivamente a cada individuo no grupo no que se atopa.