Beebot é un pequeno robot con forma de abella que se deu a coñecer este ano no colexio. Na clase de 6º foi moi ben acollido e quixemos crear algúns xogos para poder interaccionar con el.
O 1º taboleiro que creamos é para traballar a intelixencia emocional.
En primeiro lugar recortamos as cabazas e fomos pegando ollos, nariz e boca que expresasen distintas emocións. Pensamos que sería boa idea escribilas en galego e en inglés.
EXEMPLOS DE ACTIVIDADES:
Pódense realizar diferentes actividades co robots empregando a programación mediante teclado.
- Mover o robot ata determinada emoción.
- Que sentes cando o teu compañeiro che conta un chiste, cando che da un abrazo, cando alguén che berra...
- Que emocións che parecen positivas e cales negativas. Expresa que te pode facer sentir así.
- Propor diversas situacións nas que haxa que decidir cal sería o estado de ánimo e levar o robot ata a cela correspondente.
- Mostrar distintas imaxes de nenos/as (tristes, felices, anoxados) e describir o sentimento.
- Traballar o son e o ruído, reproducir diversos sons (sons agradables e ruídos) e expresar o que nos fan sentir.
