Temos a clase de 6º motivada co proxecto dos animais. Cando atopan un animaliño, preguntan se o poden traer e presentalo na clase. Como requisito pídeselle que elaboren unha ficha científica do animal e que a presenten na clase.
Hoxe vimos unha chicharra de preto. Laura, trouxo á clase unha carricanta, cantariña, chicharra, cigarra, catarresa...
Axudouse dunha ficha que traía elaborada no Google docs, Ficha descritiva da Chicharra, para facela presenación. Mentres, As compañeiras/os ían observando o insecto, tomaban nota e facían debuxos.
Trala presentación observámola cunha lupa binocular.
Creo recordar un dito popular que se lle dicía a chicharra mentres cantaba nos calorosos días de verán: "catarresa pon a mesa, que está o pan na artesa"