Aquí vos deixamos as imaxes do proceso de creación do libro dos gatos. Este é un libro colaborativo feito polas tres clases de primeiro. Parbéns polo traballo a alumnado e mestres! Aumentamos os exemplares da Editorial Pingüi e apoiamos con materiais dende a biblioteca do centro. 

Como teremos que programar o Escornabot para que lle de un bico a Nemo?

Aquí vos deixamos uns anacos do festival que realizamos polo día das Letras Galegas organizado dende o Equipo de Dinamización da Lingua Galega. Picade nos iconos da imaxe para acceder aos vídeos das actuacións.

Compartimos con todos e todas o seguinte muro interactivo onde poderedes atopar moitas actividades relacionadas coa homenaxeada o día das Letras Galegas. Vide pola biblioteca a xogar nos ordenadores ou na PDI se queredes, estámosvos esperando! Ademais poderedes atopoar moitas das obras da autora na exposición de libros da entrada. 

O alumnado de 6º A estivo investigando sobre os diferentes países da UNIÓN EUROPEA e o seu produto final foi o seguinte mapa interativo feito coa ferramenta de Google "My Maps". Pica nos globos para descubrir a información que recopilaron.

Xa podedes ver on line os libros da Editorial Pingüi deste curso. Aquí aparecen "O LIBRO DOS GATOS" feito polo alumnado de 1º A, B e C,  o "LIBRO DO CORPO HUMANO" do alumnado de 2º A e B e o "LIBRO DOS PEIXES" de 5º A e B de EI. Son interactivos con Realidade Aumentada a través de HP Reveal e códigos QR. Conforman o produto social relevante resultado de proxectos de investigación levados a cabo nas aulas. En breve poderedes velos en papel e collelos tanto na nosa biblioteca como na Biblioteca Municipal. Para facer os libros máis grandes picade nos cadrados do centro da imaxe.  

A escritora María Canosa estivo compartindo co alumnado de 3º de Primaria uns momentos literarios. María é autora de varios libros que podedes atopar na biblio como "Acuario" de Edicións Embora ou "Muriel" Premio Merlín de Literatura Infantil 2017 da Editorial Xerais. Aquí vos deixamos algunhas imaxes.

A continuación deixámosvos varias imaxes e vídeos sobre as actividades levadas a cabo con motivo do DÍA DO LIBRO o 23 de ABRIL.

- AGASALLA UN PRÉSTAMO. O alumnado interesado puido vir á biblio a coller un libro, envolvelo, decoralo e ragalarllo a un amigo ou amiga para que o levara en préstamo para a casa.

- PADRIÑOS E MADRIÑAS LECTORAS. 

SEMANA DO LIBRO from CEIP VICENTE OTERO on Vimeo.

MÁIS DA SEMANA DO LIBRO from CEIP VICENTE OTERO on Vimeo.

- MARIONETAS DO ALUMNADO DE 5º PARA OS MÁIS PEQUENOS.

5º E 1º DÍA DO LIBRO from CEIP VICENTE OTERO on Vimeo.

- EXPOSICIÓN DE LIBROS RELACIONADOS COA TEMÁTICA: 

- PROXECCIÓN DA CURTA ELEXIDA PARA CONMEMORAR ESTA DATA. 

Aquí vos deixamos aos nenos e nenas de 2º B facendo teatro para as familias. Os textos representados pertencen á biblioteca do centro.

A escritora de literatura xuvenil Ana Alonso autora de libros como "Antes de Medianoche", "Blancanieves en la ciudad" o "Cómo hablar con un robot" editados por Anaya fíxonos unha visita para falar sobre a súa obra cos máis maiores do cole.

Exposición de libros no punto de lectura e recomendacións dos rapaces e rapazas de 6º no Día da Árbore.

Nos talleres interdisciplinares dos venres naceu CANAL PINGÜI. aquí vos deixamos a nosa primeira emisión. 

CANAL PINGÜI 23 DE MARZO from CEIP VICENTE OTERO on Vimeo.

Os nenos e nenas de 2º representaron ante os seus compañeiros e compañeiras as tres pezas teatrais que aparecen neste libro de Gloria Sánchez da Editorial Xerais e que podedes coller cando queirades na biblio no apartado de TEATRO. Fixérono de marabilla! Parabéns!