Xa podedes mercar pan e levar un poema nas seguintes panadarías colaboradoras: 

- PANADARÍA CAÑÁS.

- PANADARÍA BONOME.

- PANADARÍA DA CUNHA.

- PANADARÍA DO PINCHO.

- PANADARÍA INSUA.

- PANADARÍA JAIME MATA.

- PANADARÍA MANUEL RODRÍGUEZ E HIJOS.

- PANADARÍA MERCEDES.

- PANADARÍA PARAÍSO.

- PANADARÍA PEDRO FERNÁNDEZ.

. PANADARÍA ZAPATA.

O alumnado de 5º de EP estivo traballando o tema relacionado coas institucións e a participación democrática dentro do PDI. Visitaron o Parlamento e o Concello de Carral. No Concello fixeron un Pleno Infantil. Cada clase creou tres partidos políticos cos seus respectivos representantes, cada grupo fixo as súas porpostas e realizouse a votación. Aquí podedes ver algús destes momentos e o flamante alcalde infantil que recolle o bastón de mando do alcalde electo.

O xornal A Opinión fíxose eco desta actividade. Para vela na páxina orixinal picade AQUÍ. 

Traballo elaborado polas mestras de Inglés para o PDI do centro. O alumnado, baixo a súa guía, recopilou un montón de palabras que os rodean na contorna e que están escritas na lingua inglesa. O resultado final das súas búsquedas está exposto na cortiza da biblio. Aquí vos deixamos unha mostra. 

Dentro dos encontros con autores, a Editorial Xerais achegounos a Adrián Morgade para que os nenos e nenas de 2º de EP coñeceran de primeira man ao autor de Xinfu. O alumnado, que xa tiña lido o libro, puido desfrutar do proceso de creación do seu autor en torno á banda deseñada. Aquí vos deixamos unhas imaxes do momento. 

O alumnado de 1º A e B fixo unha saída didáctica pola contorna. Primeiro visitamos unha exposición na Biblioteca Municipal da man do encargado de Cultura, Carlos Lorenzo, que nos ensinou moitas cousas sobre a arte da fotografía e sobre a vida e obra do fotógrafo José Gestal "Cardoña" afincado en Carral. Despois da man de Mónica visitamos A Brexa, alí recollimos moitas mostras de flora autóctona para realizar o noso herbario. En todo momento estivemos acompañados pola Policía Local. Moitas grazas a todos e todas por colaborar!

Recopilación de fotos de Carral feita pola aula de 6º B en colaboración coas familias dentro do PDI do centro. 

Celebramos o Día do Libro lendo pequenos e maiores xuntos, compartimos tempos e libros de todo tipo. 

Visualizamos a curta animada LEER TE TRANSPORTA e, os máis maiores do cole, viron a película "LA LADRONA DE LIBROS" dirixida por Brian Percival e baseada na novela homónima de Markus Zusak.

E así de engalanado e cheo de boas obras quedou o punto de lectura da entrada. Está presidido, como non, da nosa flamante mascota.

BOA LECTURA A TODOS E TODAS!

Este é o resumo do fermoso traballo da alumna de prácticas do TFM nas aulas de 1º A e B de EP dentro do PDI do centro "Descubrindo Carral: temos moito que contar." A través de diferentes microaccións crearon entre todos unha instalación artística de nome "Vila Imaxinaria 2030" que mostra a través da fotografía e da pintura o paso do tempo (presente, pasado e futuro) da vila de Carral e dos nenos e nenas. Algúns do referentes artísticos que utilizou Noemi para esta instalación foron o fotógrafo carralés Cardoña e outros como Irina Werning, Boltansky, Esther Ferrer, Manuel Sendón, Carla Andrade, Hundertwasser ou Bego M. Santiago.  Esta é outra forma de traballar a Educación Artística na aula con referentes que achegan ao alumnado á arte contemporánea. Este traballo estará exposto no Toñito Espiñeira dende o venres 26 de abril. Invitámosvos a que a visitedes! Aquí deixamos unha pequena mostra e a xustificación teórica do traballo.  

Vila imaxinaria 2030 from CEIP VICENTE OTERO on Vimeo.

Despois do visionado do videopoema adaptado polas alumnas do TFM (Máster en Didácticas Específicas) Noemi e Paula baseado nunha obra de Ana Isabel Martínez Alcántara os alumnos e alumnas de 3ºB realizaron esta fermosa instalación artística. Aquí vos deixamos o seu traballo. 

Este vídeopoema está enmarcado dentro da tarefa de "Poesía na Panadaría" e dentro do PDI do centro: "Descubrindo Carral, temos moito que contar!. Ten como referentes a artista francesa Sophie Calle e o artista hindú Dakú (picade nos enlaces dos seus nomes para saber máis sobre eles). Pretende ser un alegato ao respeto pola natureza da contorna e unha expresión de emocións e sentimentos que nos despertan eses animais e plantas a través do noso corpo. Así traballamos nas aulas de 1º as "Poéticas diversas" que nos propoñen dende Bibliotecas Escolares de Galicia: con abecegramas e videopoemas. 

COIDESE MOITO 1ºB from CEIP VICENTE OTERO on Vimeo.

COIDESE MOITO 1º A from CEIP VICENTE OTERO on Vimeo.

Pincando no seguinte enlace pódese ver todo o traballo feito ata o de agora en torno ao PDI do centro "DESCUBRINDO CARRAL: TEMOS MOITO QUE CONTAR" e ao tipo de texto escollido este ano: "Poéticas diversas" tal como establece a Asesoría de Bibliotecas Escolares de Galicia. Está aínda en construción, ao final de curso poderedes velo completo. Picade AQUÍ para ir á páxina e ir vendo a súa evolución. 

Esta é a proposta ás aulas que se fixo dende o equipo de biblioteca para elaborar poemas dentro da actividade "POESÍA NA PANADARÍA".