TODO PODE SER from M Carmen R. Lage on Vimeo.

Este é o horario por aulas para visitar a biblioteca. 

Semana de Entroido chea de actividades: mandadiños do Meco e disfraces do venres relacionados co PDI do centro que este ano leva o título de "Descubrindo Carral: temos moito que contar". 

3 Anos: Auga e sol, elementos esenciais para que naza o trigo.

4 Anos: Panadeiros e panadeiras.

5 Anos: Pan, empanada e bocadillos cardiosaudables: os fornos de Carral.

1º de EP: Fauna e flora de Carral.

2º de EP: A auga e os ríos de Carral.

3º de EP: Os castrexos/as. A pegada da prehistoria en Carral.

4º de EP: As parroquias e organización xeográfica de Carral. O escudo da vila. 

5º de EP: A organización política. concellerías e concelleiros/as.

6º A: Os muíños de Carral.

6º B: Localizacións de Carral a través do Google Maps. 

Aproveitamos que quentaba o sol para ler no patio. 

Esta so é unha pequena recompilación de imaxes do Club de Ciencia que se está a desenvolver os martes pola tarde co alumnado de 5º e 6º de EP: electricidade, robótica, bioloxia, magnetismo, son, reciclaxe... e un montón de prácticas relacionadas coas habilidades STEM (ciencia, tecnoloxía, enxeñaría e matemáticas).

Club de Ciencia 2019 from CEIP VICENTE OTERO on Vimeo.

Neste mes de Febreiro renovamos os fondos de poesía, neste caso da man da escritora Mar Bengas, con pareados, cantigas e outros títulos cheos de musicalidade, rimas, metáforas e xogos de palabras. 

No día de Rosalía traballamos sobre as inxustizas sociais que estaban presentes na súa época e versos e seguen a repetirse nos nosos tempos. Seguimos a proposta da Asociación de Escritores e Escritoras en Lingua Galega (AELG) a través dunha actividade na que participou todo o centro e que propuxo o Equipo de Dinamización da Lingua Galega. "Do S.XIX ao S. XXI: Libre o meu pensamento!", este é o lema central do manifesto de Ana Romaní. Dende a biblio foméntase tamén a lectura da súa obra cunha actividade complementaria: "Leva un poema e deixa outro".

Día de Rosalía from CEIP VICENTE OTERO on Vimeo. 

Saíron as cartas de Pingüi para todas as aulas. O luns o alumnado do centro atoparase con sorpresas! Esas bolsas van cargadiñas de agasallos: Escornabots, libros, Legos, puzzles, cantigas, mandiles de Carral, mapas, animais, miniaturas prehistóricas... Boa búsqueda de información a todos e todas! 

Picade nos enlaces (cadeas lilas) para acceder ás opinións dos títulos que podedes atopar na biblioteca e que vos recomendan os compañeiros e compañeiras. Neste taller traballamos a reseña literaria e presentámola de forma oral para aprender os usos responsables das TIC,  a inguaxe audivisual e a expresión oral. 

Nas últimas horas dos venres, profes e alumnado de 5º, 6º e 1º intercambiámonos. Cada aula convértese nun taller diferente: COMUNICACIÓN ORAL, AUDIOVISUAIS, PRENSA, HORTO, ROBÓTICA E CIENCIA. Os grupos son rotatorios e mensuais de maneira que todo o alumnado pasará por todos os talleres. Aquí vedes un resumo deste primeiro mes: moitos experimentos; recomendacións lectoras a través de reseñas e con códigos QR; comunicación utilizando os diferentes sentidos; construción, robótica, enxenería e imaxinación; natureza, observación e agricultura e elaboración de noticias para publicar no xornal do Concello de Carral. Pretendemos crear comunidade a través de tarefas entretidas, dinámicas e didácticas que melloran a convivencia no centro e potencian a aprendizaxe entre iguais.  

Coa cantiga "Cantarela dos nenos" de A. Fernández, facendo o símbolo da paz entre todos e todas e a través dun acto simbólico de entrega de bandeiras, así conmemoramos este ano o Día da Paz no colexio. A multicularidade, a música e a diversidade foron protagonistas. Aquí vos deixamos os mellores momentos deste día. 

Día da Paz from CEIP VICENTE OTERO on Vimeo.