O alumnado de 5º e 6º de primaria recibíu a segunda das charlas por parte da Garda Civil, sobre protección da natureza, dentro da participación do noso centro no Plan Director. 

Dende o día 15 de xaneiro ata o 5 de febreiro, está aberto o prazo para realizar a reserva de praza no centro de adscrición (IES de Mugardos), para o alumnado que cambia de etapa educativa.

As solicitudes deberán presentarse na secretaría do noso centro os martes de 9:05 a 9.45 horas, e os mércores de 09:05 a 09:45 horas, e de 13:10 a 14:00 horas, ou telemáticamente,  a través da aplicación "admisionalumnado" (https://www.edu.xunta.gal/admisionalumnado/), utilizando o menú: solicitudes- reserva- crear.

As familias que non queiran facer reserva  no centro adscrito, deberán solicitar praza para os/as seus/súas fillos/fillas no centro da súa elección entre o 1 e o 20 de marzo.

A comunidade educativa do CEIP Plurilingüe Unión Mugardesa deséxavos un Bo Nadal e próspero 2024!

A atleta olímpica mugardesa Belén Toimil, visitou o noso centro para desenvolver unha actividade de campaña de promoción do atletismo escolar en entornos rurais, e que forma parte do proxecto Rural Athletics Girls, que organiza a RFEA co apoio do programa Muller e Deporte do CSD. 

Realizou unha parte expositiva e unha parte na que o alumnado achegouse á práctica de diferentes disciplinas. 

Moitas grazas Belén pola túa visita!

O obxectivo do Programa é o de difundir entre os/as máis xóvenes este xesto silencioso internacional para pedir auxilio ante a violencia de xenéro, co fin tanto de recoñecelo se algunha muller o fai ao seu carón ou na súa contorna, como que poidan facelo en caso de sufrir violencia de xénero e precisar auxilio.

Decoramos as mans violetas e escribimos nelas diferentes mensaxes en contra da violencia de xénero, contribuíndo a crear a liña infinita de loita de Ferrolterra contra a violencia.

O alumnado de 2º a 6º de primaria, dentro do programa Xogade, participou nunha carreira de cros escolar en Narón, xunto con outros centros educativos da contorna.

Visitounos a Garda Civil, e impartíu unha charla para o alumnado de 5º e 6º de primaria, sobre os riscos de internet, con motivo da participación do noso centro no Plan Director.

O ‘Plan Director para a convivencia e mellora da seguridade nos centros educativos e a súa contorna’ ten como principal obxectivo a coordinación entre a comunidade educativa e as Forzas e Corpos de Seguridade, para dotar aos e ás menores do coñecemento e das ferramentas necesarias, en aras de previr ou detectar situacións de risco que poidan afectar á súa seguridade.

O 20 de novembro, o noso centro sumouse  á actividade de concienciación proposta pola  Asociación Estatal de acollemento familiar "Ao cole en pixama". O obxectivo desta iniciativa é sensibilizar e dar a coñecer o acollemento familiar como medida de protección que ofrece aos nenos, nenas e adolescentes que tiveron que ser separados da súa familia de orixe, unha familia que os coida, acompaña e quere durante o tempo que sexa necesario.

Todo o alumnado do centro participou noso I Concurso "Peóns ao camiño no CEIP Unión Mugardesa" co que pretendemos fomentar nas nenas e nenos o xogo tradicional.