Skip to Content

Xa está preto o SAMAÍN (e Halloween)

Mér, 26/10/2016 - 13:19

Este próximo venres 28 de outubro celebramos no CEIP Plurilíngüe Tirán o "SAMAÍN" (e o HALLOWEEN) a través de distintos obradoiros cos nenos/as e cunha gran merendola todos xuntos, ambientadas esas degustacións na propia festa!

E como o proxecto anual deste curso escolar é "Tirán Saudable" baseado nun Proxecto Deportivo e na Vida Saudable da comunidade educativa, ¿alguén se atreve a darlle un toque saudable ós postres que imos degustar?

Dende o centro xa está todo preparado e ambientado para celebrar este día!

 

Novo teléfono no centro

Xov, 20/10/2016 - 16:43

Dende hai uns días, xa funciona a nova numeración telefónica do noso centro escolar.

Se queredes chamar ao centro, deberedes marcar o 886.11.02.71 para poñervos en contacto coa secretaría do mesmo.

Esta numeración nova podédela atopar tamén nos apartados desta páxina web "CENTRO --> Localización" e "CENTRO --> Secretaría".

 

Menú Almorzo para o curso 2016/2017

Ven, 07/10/2016 - 16:59

Podedes visualizar no seguinte enlace o menú dos almorzos para este curso 2016/2017, que se repartirán no Plan Madruga para os nenos/as que cheguen antes das 9:00 horas.

Ver almorzos 2016/2017.

Menú de outubro 2016

Ven, 07/10/2016 - 16:52

Xa podedes visualizar os menús do noso comedor escolar para o mes de outubro - 2016.

 

Circuito Educación Vial

Mér, 05/10/2016 - 17:58

Dende o luns día 3 e ata o mércores día 5, levaronse a cabo no noso centro unha serie de actividades relacionadas coa Educación Vial e impartidas por persoal da Dirección Xeral de Tráfico.

Estas actividades consistiron en charlas informaticas de Educación Vial e de interese para os nenos/as, acompañados de vídeos ilustrativos, e posteriormente a práctica no patio do centro onde se instalou un circuito. Neste espazo, os nenos/as disfrutaron das súas bicicletas e de karts, á vez que aprendían, e sempre tendo en conta a señalización vertical e horizontal, así como as indicacións dun axente. Ademáis das bicicletas que aportaron os nenos/as, tamén trouxeron o casco, onde se reforzou, non só a obligatoriedade do mesmo, senón tamén a importancia do seu uso.

A maiores, os nenos/as de Educación Infantil poideron coñecer máis de preto os vehículos oficiais tanto da Policía Local como de Protección Civil, así como coñecer a súa laboura de tanta importancia na nosa sociedade.

COMEZO DO CURSO ESCOLAR 2016/2017

Lun, 05/09/2016 - 15:54

O vindeiro luns 12 de setembro do 2016, dará comezo o novo curso escolar 2016/2017 no CEIP Plurilíngüe Tirán, como así establece a Orde do 7 de xuño de 2016, pola que se aproba o calendario escolar para o curso 2016/17 nos centros docentes sostidos con fondos públicos na Comunidade Autónoma de Galicia.

As clases comezarán no seu horario habitual, de 9:30 a 14:30 horas. Tamén, dende o primeiro día de clase, estarán dispoñibles os servizos complementarios de comedor e transporte.

Recordade que o alumnado de 3 anos seguirá un horario diferenciado durante o período de adaptación (véxase aquí). A partires do luns 26 de setembro, ó finalizar dito período de adaptación, poderán facer uso do comedor e do transporte aqueles nenos/as de 3 anos que así o solicitasen e lles fose concedido.

 

Todo o claustro de mestres/as do CEIP Plurilíngüe de Tirán, dámosvos a benvida e desexamos que este novo curso escolar veña cargado de experiencias, convivencias, alegrias... e moita actividade física!!

Fondo Solidario de libros de texto (listaxe provisional)

Lun, 04/07/2016 - 20:14

Publícase a listaxe provisional de admitidos e de excluidos no fondo solidario de libros de texto!

Admitidos

Excluidos

 

REVISTA ESCOLAR ONDIÑAS 2015-2016

Dom, 26/06/2016 - 21:40

 

 

 

Próxima reunión para os futuros pais e nais do novo alumnado de 3 anos

Mér, 08/06/2016 - 11:37

Convócase ás nais/pais das futuras alumnas/os de 3 anos á reunión inicial o vindeiro luns 27 de xuño do 2016, ás 11:00 horas, para tratar temas de interese de cara ó comezo do próximo curso.

 

Data:       luns, 27 de xuño do 2016

Hora:       11:00 horas

Lugar:      aula de 5 anos (xunto ó vestíbulo do edificio principal)

ABERTO O PRAZO PARA SOLICITAR LIBROS DE TEXTO

Mar, 24/05/2016 - 13:11

Publicouse a Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinados ao alumnado matriculado en educación primaria para o curso escolar 2016/2017.

O prazo para presentar as solicitudes abrangue dende o 19 de maio ata o 23 de xuño. Máis información e descarga de solicitudes na páxina web do cole, na secretaría do centro ou premendo aquí.

Tanto para solicitar as axudas como para acollerse ó fondo solidario, é obrigatorio devolver no centro os libros mercados con cargo ó vale e empregados no presente curso. Estes libros terán que ser entregados ó titor/a en bo estado o día 17 de xuño.

 

Para ler a Orde do 27 de abril de 2016, premer aquí.

Para descargar a solicitude, premer aquí.

Información e descarga da solicitude dende a sede electrónica da Xunta de Galicia. Premer aquí.

Distribuir contido


by Dr. Radut