Ola.
Moi bo ano 2018 a todos e todas!!
Como non podía ser doutra maneira os Reis Magos acordáronse de nós e deixaron un regaliño para a nosa aula. Foi unha grande sorpresa!
Fixemos moitas suposicións do que podería haber dentro daquelas caixas, unha grande e outra pequena, aquí vos deixamos unha pequena reportaxe fotográfica:
Na caixa pequena había uns xogos de letras e números e unhas paletas de cores. | E na grande un montón de poliexpán cun caixón de madeira debaixo... |
Cando por fin demos quitado a embalaxe descubrimos que se trata dunha CAIXA DE LUZ!! e xa vimos as cores que ten, que por certo son moitísimas... azul, lila, verde, branco, amarelo, rosa, vermello... e xa estreamos algún dos xogos...
Estamos encantados con esta nova ferramenta para a investigación, imaxinación, percepción, experimentación, relaxación... premendo aquí podedes ver para que serve e como se utiliza a caixa ou mesa de luz.
Moitas grazas Maxestades.
Saúdos a todos e todas.
a