Onte visitamos a biblioteca do Ágora. As bibliotecarias explicáronnos a diferenza entre un libro informativo e un de contos. Logo, mediante un xogo, ensináronnos a catalogar os libros informativos segundo a súa temática: plantas, alimentos, animais,etc. Tamén nos contaron un conto e...
Antía trouxo un traballo completísimo sobre India, China, Xapón e Vietnam. Noa proxectou un traballo sobre os traxes típicos destes países e Naiara sobre os deportes.
Uxía e Ayla elaboraron cadanseu traballo sobre a India. Contáronnos que as vacas son sagradas neste país, que a súa moeda é a rupia, que lle gusta moito o curry, que hai un templo onde as ratas son sagradas, que falan hindi e inglés.... Foron moi amenas e notouse que aprenderon moito sobre este país. Ayla tamén trouxo un pouco curry para que os nen@s o visen e mango para que o probasen.
Hoxe visitamos o Museo de Belas Artes. Mostráronnos cadros e esculturas de autores como Urbano Lugrís, Luis Seoane e Francisco LLoréns. Estas obras gardan relación cos mundos mariños reais e fantásticos. Como resumo da visita, fixemos un taller moi divertido.
Matheo elaborou un traballo, coa axuda da súa familia, sobre os monumentos máis importantes dos países a traballar. Na asamblea falounos da "Muralla China", o "Taj Mahal", etc. Tamén trouxo unhas bólas relaxantes chinesas.
A profesora Noemí trouxo á aula uns obxectos procedentes de Xapón: un abano, uns paus para comer, unhas moedas (yens), unha teteira, a figura dun xaponés e un selo dunha letra xaponesa. Tamén unha figura chinesa dun cabalo dos guerreiros de Xian.