"I eres a estrela que brila, i eres o vento que zoa. Si cantan, es ti que cantas..." Rosalía de Castro
Animación á lectura
POEMAS MUSICADOS NO DÍA DE ROSALÍA DE CASTRO (23 - 02 - 2023).
Enviado por Noelia o Dom, 26/02/2023 - 18:27A comunidade educativa do CEIP Rosalía de Castro, quere compartir con vós diferentes versións do coñecido poema "Adiós ríos, adiós fontes".
Esperamos que os disfrutedes tanto coma nós!!
FESTA DE ENTROIDO E QUEIMA DO MECO (17 - 02 - 2023).
Enviado por Noelia o Dom, 19/02/2023 - 22:59O último da semana tivemos no cole a nosa festa de Entroido. Grazas ao bo tempo puidemos empregar as novas instalacións deportivas como pista de xogo e baile.
Puxemos os disfraces que máis nos gustaban e aproveitamos a zona de terra colindante para levar a cabo a tradicional "queima do Meco".
O alumnado de 5º e 6º co deseño deste Meco, quixo levar a cabo unha crítica á realización do mundial de fútbol en Qatar, un país que (entre outras cousas) non recoñece os dereitos das mulleres nin das persoas pertencentes ao do colectivo LGTBIQ+
MALETA VIAXEIRA DE BANDA DESEÑADA (09 - 02 - 2023)
Enviado por Noelia o Xov, 09/02/2023 - 20:05Chegou ao noso cole unha nova "Maleta viaxeira" desde a Asesoría de Bibliotecas Escolares. Teremos esta ampla variedade de libros de banda deseñada ata o remate deste mes para disfrutar dela na "Hora de ler".
DAN COMEZO OS RETOS DO GALIÑEIRO (03 - 02 - 2023)
Enviado por Noelia o Mar, 07/02/2023 - 20:58Dende a biblioteca escolar poñemos en marcha "Os retos do galiñeiro". Trátase dunha actividade para fomentar a observación, a investigación, a procura de información e o desenvolvemento do pensamento lóxico; empregando os recursos que a nosa biblioteca ofrece, pero tamén a solidaridade, a empatía e o respecto mutuo.
De xeito periódico, a nosa mascota, o morcego Plata, porá a disposición do alumnado diferentes retos adaptados ás diferentes idades do noso alumnado, tendo como fío condutor o noso galiñeiro. Proporá retos matemáticos, lingüísticos, de observación, de procura de información e emprego do pensamento científico que poderán resolver, de xeito voluntario, nos tempos de lecer.
Inspirado na metodoloxía da plataforma on-line ClassDojo para estimular e motivar ao alumnado, a resolución dos diferentes retos comportará a consecución de "gali-puntos" que darán acceso a diferentes recompensas.
"TOUPICIENCIA SHOW" NA BIBLIOTECA ESCOLAR. (3 - 6 - 2022).
Enviado por Noelia o Ven, 03/06/2022 - 21:41Mañá de Ciencia na nosa biblioteca por xentileza do Consorcio Editorial Galego!
As nenas e os nenos de Infantil, 1º e 2º de Primaria asistiron hoxe ao espectáculo "Toupiciencia Show" na biblioteca escolar.
A toupiña científica xunto con Petronio, o seu axudante, achegaron a Ciencia aos nosos nenos e nenas dun xeito moi divertido.
Pasámolo de marabilla cos seus experimentos!
Moitas grazas por agasallarnos con esta actividade!
AS EXCURSIÓNS RELACIONADAS CO PROXECTO "A NOSA HORTA".
Enviado por Noelia o Ven, 27/05/2022 - 21:28O 23 de novembro, levamos o millo da nosa colleita ao muíño. Recibiunos Luisa, atendeunos de marabilla e, mentres acababa de moer, fomos visitar o fermoso lugar de Ribas Pequenas.
E poucos días despois recibiunos Manolo no Mazo de Penacoba. Unha visita onde puidemos aprender a forma tradicional de traballar o ferro para poder ter as ferramentas necesarias nunha sociedade agrícola e gandeira como segue a ser a nosa.
ESTUPENDA SESIÓN DE CONTACONTOS E MÚSICA COA PROFE SARA E ÁLEX. (20 - 05 - 2022).
Enviado por Noelia o Ven, 20/05/2022 - 21:23Seguindo coas actividades do "Mes da Letras", puidemos gozar dunha divertida sesión de contacontos a cargo da profe Sara e o seu compañeiro de contos Álex.
Contaron e cantaron diferentes contos que deixaron ao noso alumnado marabillado!
Moitas grazas por vir e compartir con nós esta estupenda experiencia!
Recitando poemas: A traxedia dos castiñeiros, de Florencio Delgado Gurriarán (Alumnado de 5º e 6º de Primaria).
Enviado por Bouso o Ven, 13/05/2022 - 14:33A traxedia dos castiñeiros, do poemario Bebedeira de Florencio Delgado Gurriarán (Editorial Nós, 1934) é o poema escollido polo alumnado de 5º e 6º para realizar este recitado, ao que lle poñen voz: Carlos, Luca, Alba, Mary, Javier, Diana, Santi, Hugo, Sara, Diego, Iago e Luis. O CEIP Rosalía de Castro en colaboración co Colectivo Lemos Le, leva a cabo esta actividade baixo a supervisión da coordinadora de biblioteca Noelia Maceda e coa colaboración da titora Sara Lebedinsky. Edición e montaxe Equipo TIC CEIP Rosalía de Castro.
![RSS - Animación á lectura Distribuir contido](/centros/ceiprosaliaboveda/misc/feed.png)