Skip to Content

Curso 2017-18

EXCURSIÓN DE E. INFANTIL Á GRANXA-ESCOLA ALDEA NOVA

Mér, 16/05/2018 - 11:59 — admin

Os nenos e nenas de Educación Infantil fixemos unha excursión a Aldea Nova (Sedes). É unha granxa moi bonita con moitos espazos verdes. Alí montamos nun cabaliño, fixemos pan, vimos a horta, plantamos sementes e tamén visitamos os animais: un burro, ovellas, cabras, cabalos, galiñas, porcos, vacas e coelliños.

Pasámolo xenial!

Ver fotos no álbum "Aldea Nova_maio18" (categoría "Ed. Infantil 17-18")

E. INFANTIL - SAÍDA AO TEATRO

Mér, 16/05/2018 - 10:15 — admin

Os alumnos/as de Educación Infantil fixemos unha saída ao teatro Jofre para ver unha obra moi divertida, "Pavillón Lino" de Caramuxo Teatro.

O teatro estaba cheo de nenos e nenas de varios coles e todos pasámolo moi ben.

Fotos publicadas na galería, no álbum "Teatro_PavillónLino" (categoría "Ed. Infantil 17-18")

PLANTAMOS GLADÍOLOS - 4º EI

Mér, 18/04/2018 - 08:11 — admin

Xa comezou a primavera. Estes días de bo tempo estivemos a plantar gladíolos no noso patio. Enterramos os bulbos na terra e estamos a botarlles auga todos os días. Agora, a esperar que agromen...

As fotos incluídas na seguinte imaxe están publicadas na galería, no álbum: Gladíolos_4EI.

 

VISITA Á BIBLIOTECA

Xov, 15/03/2018 - 16:59 — admin

Os nenos e nenas de Educación Infantil fixeron unha saída á biblioteca municipal. O camiño á biblioteca  fixérono cada un da man do seu amigo especial, aproveitando a saída para facer tamén unha actividade dentro do programa TEI.

Na sala dos pequenos lectores unha das bibliotecarias explicoulles as normas da biblioteca e as vantaxes de facerse socios. Tamén lles contou un conto moi divertido e ofreceulles todos os libros que os pequenos podían mirar e ler.

A todos lles gustou moito a visita e gozaron moito dos contos.

 

TEATRO EN GALEGO - 6º EDUCACIÓN INFANTIL

Ven, 09/02/2018 - 21:44 — admin

O 1 de febreiro fomos ao Jofre a ver o espectáculo teatral "Pum, Pum". O que máis nos gustou foi: cando dicían "portas, portas, portas" e víanse portas de cores, cando Marieta choraba e lle cantaban e tamén os contos que contaban Marieta e a súa avoa.

SAÍDA AO SUPERMERCADO ALCAMPO 4 ANOS

Ven, 17/11/2017 - 11:53 — admin

Os alumnos/as de 4 anos fixemos unha saída ao supermercado Alcampo como parte do proxecto de aula "Os alimentos".

Visitamos as diferentes seccións do supermercado aprendendo o nome dos alimentos, algúns que nunca viramos como a carambola, unha froita con forma de estrela.

Puxéronnos gorros e máscaras para entrar nas enormes cámaras frigoríficas da carnicería, alí vimos como envasan e etiquetan as bandexas de carne. Tamén entramos á panadaría e vimos a máquina amasadora e os grandes fornos onde cocen o pan. Invitáronnos a comer pan quentiño e chocolate. Que rico!

Cheos de agasallos, voltamos ao cole moi contentos.

Pódense ver fotos na galería, no álbum Alcampo 5EI ou premendo na imaxe anterior. 

Distribuir contido


by Dr. Radut