Curso 2014-15

CONCERTO DIDÁCTICO - JOFRE

Xov, 18/06/2015 - 17:15 — admin

Ao longo do pasado mes de maio, alumnado de EI e EP asistiu aos concertos didácticos que tiveron lugar no teatro Jofre. Trátase dunha iniciativa na que colaboran o Concello de Ferrol e a Escola de Música BellónMaceiras co obxectivo de achegar a música tradicional galega aos nenos e nenas desde un punto de vista educativo e participativo.

Estas son algunhas das opinións dos máis noviños do cole (4º de Educación Infantil):

"A min gustoume a gaita".

"A min gustoume o tambor".

"Gustoume cando acabou porque dimos un aplauso".

"Había dous rapaces subidos no escenario".

"Ía moito vento polo camiño".

"Facían música cuns zapatos".

VISITA A CORREOS - 6EI

Dom, 15/03/2015 - 20:08 — admin

Os nenos e nenas de 6º de Ed. Infantil fomos a Correos. Alí guiáronnos polas dependencias onde traballan.

Pasamos por un lugar con carros que tiñan caixas con paquetes e cartas. Chegamos a unha oficina na que clasificaban as cartas dependendo das rúas de Ferrol ás que ían dirixidas.

Pasamos a outro lugar ao que levaban as cartas que ían para Narón, o Concello, a Universidade... e tamén para o nosos colexio, que tiña o número 10.

Baixamos máis e estivemos vendo onde estaban os apartados de correos, tiñan ata o nº 600.

Gustáronnos moito as explicacións que nos deron, así como enviar e recibir unha carta e ver onde se clasifican, ver os apartados de correos con pechadura e chave e, ao rematar, os CARAMELOS"!!!!

CINE EN EDUCACIÓN E VALORES

Ven, 06/03/2015 - 22:58 — admin

Martes 3 de marzo: Participación do alumnado de 4° EI nas II Xornadas de Cine en Educación e Valores, proposta promovida polo Concello de Ferrol.

Isto é o que nos contan estes nenos e nenas de 3-4 anos:

Fomos en autobús ao Teatro Jofre. O teito estaba pintado e era bonito. Había neno/as e profesores doutros colexios. Sacamos unha foto.

Vimos a película "Os sete cabritiños e o lobo" e gustounos. Había unha rapaza que nos explicaba de que ía a película.

O que máis nos gustou foi ir en autobús e ver a Cinecito, a mascota do cine.

VISITA A EXPONAV - E.I. 4 anos

Mar, 03/03/2015 - 17:01 — admin

Os nenos e nenas de 4 anos visitamos o museo Exponav.

A pirata Alba, a nosa guía, ensinounos moitas cousas: maquetas de barcos e estaleiros, anacos de barcos antigos, os camarotes dos mariñeiros e do capitán, un temón...

Tamén aprendimos os nomes dalgunhas partes dun barco, fixemos nós mariñeiros, e coloreamos a proa dun barco pirata.

Pasámolo moi ben buscando un tesouro; tivemos que atopar pistas escondidas por todo o museo, e atopámolo! Un gorro pirata para cada un! Cos nosos gorros puxemos para a foto cara de malos.

Gustounos moito!

REDUCIR, REUTILIZAR E RECICLAR

Mar, 27/01/2015 - 22:05 — admin

O alumnado de 6º de E. Infantil participou, o venres 23 de xaneiro, nun dos obradoiros ofertados pola Aula de Ecoloxía Urbana de Ferrol: Os 3 R (Reducir, Reutilizar e Reciclar). Os nenos/as realizaron tarefas de reciclaxe e reutilización do papel:

Elaboraron pasta de papel.

Pintaron flores elaboradas con papel reciclado.

EN GALEGO, DE PELÍCULA

Mar, 16/12/2014 - 21:42 — admin

Participación do centro no ciclo promovido pola área de Normalización Lingüística do Concello de Ferrol e a Coordinadora de Equipas de Ferrolterra baixo o título "EN GALEGO, DE PELÍCULA".

Os alumnos/as de 6ºEP asistiron ao Jofre o luns 15 de decembro para ver a película: A CASA DA LUZ. Esta película está baseada nunha novela de Xabier Docampo. Os protagonistas son un grupo de nenos que pasan as súas vacacións nun pequeno pobo chamado Eiravella, e Duarte, exprofesor de debuxo e pintor.

Os nenos e nenas de 6º EI viron no cine Dúplex A TROPA DE TRAPO NA SELVA DO ARCO DA VELLA. A Tropa viaxará ata a selva do arco da vella para axudarlle a recuperar as súas cores que, debido á contaminación na Terra, van apagarse e perderán o seu brillo orixinal. Isto podería orixinar que o arco da vella puidese desaparecer para sempre do planeta e...a Tropa non pode permitilo!

EXPERIMENTOS CON AUGA - 6º EI

Mér, 12/11/2014 - 16:38 — admin

Os nenos/as de 6º A e B de EI fixemos un experimento con auga, observando un bloque de xeo a modo de iceberg, para simular o afundimento do "TITANIC".

Os nenos/as de 6º A de EI, cando aínda ía calor, o 30 de outubro, fixemos polos con zume de limón. Esprememos limóns, botamos o zume nunha bandexa do conxelador, tapámola con papel de aluminio, puxémoslle un pau en cada oco e levámola ao conxelador. Despois de tres horas probámolos. Boísimos!

Se queredes ver as fotos premede na seguinte imaxe: