Skip to Content

4 anos

ANIVERSARIOS DE MAIO EN 5º B EI

Álbum: Educación Infantil 2022-2023 -> ANIVERSARIOS MAIO 5ºB EI

O venres 19 celebramos o aniversario de Ángel, David e Awa. Pouco a pouco vanse facendo maiores!

Parabéns!!!

EDUCACIÓN AMBIENTAL NO PARQUE DE EIRÍS 5º B EI

Álbum: Educación Infantil 2022-2023 -> EXCURSIÓN AO PARQUE DE EIRÍS 5ºB EI

Hoxe achegámonos ao parque de Eirís para descubrir a variedade de animais e plantas que temos preto de nós e os coidados que debemos darlles para que non desaparezan.

Vimos oliveiras, moreiras, carballos, espadañas, lirios, margaridas, parrulos, pombas, pegas, merlos, tartarugas...

E aprendemos 2 cousas moi importantes: que non se pode dar pan aos parrulos porque lles estamos a facer moito dano, sería como se nós comeramos chuches a todas horas.

E outra, que non se deben mercar mascotas e despois deixalas abandonadas en calquera sitio. Iso pasou na lagoa de Eirís coas tartarugas. A xente empezou a deixalas alí e como son orixinarias de Florida, esta lagoa non era o seu hábitat axeitado e, así, comeron as crías das ras facendo que desapareceran para sempre. Que pena!!

ÓPERA CO CONTO DE CARAPUCHIÑA VERMELLA 5º B EI

Álbum: Educación Infantil 2022-2023 -> CONCIERTO DIDÁCTICO 5ºB EI

No Pazo da Ópera vimos o conto da Carapuchiña Vermella cantado por tenores e sopranos, era ópera. Rímonos un montón e gustounos moito.

SAÍDA DE 5º B EI: OS TESOUROS DE MARÍA PITA

Álbum: Educación Infantil 2022-2023 -> OS TESOUROS DE MARÍA PITA 5ºB EI

Hoxe, a rapazada de 5º de infantil (4 anos) fomos á Praza de María Pita e, alí agardábannos unha morea de sorpresas.

Descubrimos os tesouros da praza a través dos sentidos e lembramos a batalla dos coruñeses contra os ingleses liderada por María Pita. Gañamos, por suposto!!

Descubrimos onde estaban os ingleses escoitando os sons que facían. Vimos e tocamos as pedras, a madeira e o metal co que fabricaron as armas. E nós, coa imaxinación, fixemos as nosas (escudos, lanzas). Con papeis fixemos as pedras coas que libramos a batalla.

Pasámolo xenial!!! E agradecemos o traballo das monitoras que nos acompañaron, a unha delas en especial porque é a nosa Sonia que a temos no comedor tamén.

Distribuir contido


by Dr. Radut