Blogues

O vindeiro mércores, 31 de xaneiro, terá lugar o segundo obradoiro de Espazo Familias. 

A charla leva por título "Educación sexual. Comprender para acompañar". Este taller estará a cargo de Penélope Alonso, sexóloga e psicóloga.

Máis información na web EspazoFamilias https://espazofamilias.org/

O prazo de reserva de praza para o alumnado de 6º de educación Primaria que desexe continúar estudos no IES Barraña, abranguerá do 15 de xaneiro ao 5 de febreiro.

Para presentar unha solicitude deberá seguir algunha das opcións seguintes: 

1. Cubrir a solicitude informáticamente e presentala asinada de xeito manual no centro. Enlace 

2. Cubrir a solicitude informáticamente e asinala en Sede Electrónica. Enlace

3. Cubrir a solicitude manualmente e presentala asinada presencialmente no centro. Enlace

Normativa de aplicación:

• DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

Comprácenos anunciar que o noso centro foi un dos beneficiarios dunha subvención no ámbito do programa Erasmus + para desenvolver un proxecto de curta duración para a mobilidade de alumnos e persoal (Acción Clave 1). O proxecto, denominado “Xuntos por unha convivencia escolar de calidade e inclusiva”, ten como obxectivo mellorar a convivencia entre todos os axentes educativos (alumnado, profesorado, familias e institucións) co principal obxectivo de mellorar o desenvolvemento integral do noso alumnado.

O proxecto baséase na idea de que a convivencia escolar é un factor clave para o éxito educativo, así como para a formación de persoas responsables, solidarias e comprometidas coa sociedade. Por iso, o proxecto pretende dotar ao noso profesorado das ferramentas necesarias para xestionar a diversidade, previr e resolver os conflitos, promover a participación e a colaboración, e fomentar a cultura de paz e os valores democráticos na aula e no centro.

O proxecto desenvolverase ata novembro de 2024 e permitirá ao noso profesorado realizar cursos de formación, visitas de estudo e actividades de observación en diferentes países da Unión Europea. Estas actividades permitiranlles coñecer outras realidades educativas, compartir experiencias e boas prácticas, e aprender de outros profesionais e expertos no ámbito da convivencia escolar. O proxecto tamén facilitará a creación dunha rede de colaboración entre centros educativos de distintos contextos culturais e lingüísticos, coa fin de enriquecer o noso proxecto educativo e favorecer o desenvolvemento da cidadanía europea do noso alumnado.

Podedes ollar as bases do noso proxecto na Plataforma de Resultados dos Proxectos Erasmus + (E+PRP) no seguinte enlace http://bit.ly/ErasmusPraiaXardin

Estamos moi ilusionados con esta oportunidade e esperamos que este proxecto sexa só o principio da nosa participación en Erasmus +. Seguiremos traballando de cara as próximas convocatorias para que os nosos alumnos e alumnas tamén poidan desfrutar das vantaxes das mobilidades educativas que ofrece este programa. Manterémosvos informados das novidades e dos resultados do proxecto a través da nosa páxina web.

A continuación, podedes escoitar o programa de radio elaborado polo alumnado de 3ºB.