O HORTO ESCOLAR Neste curso o centro escolar realizou unha aportación importante para mellorar as condicións do invernadoiro e crear unha “aula verde” na que o alumnado poida desenvolver diferentes propostas didácticas no exterior e nun entorno natural.
ALUMNADO PARTICIPANTE
Nesta edición de Voz Natura no CEIP PÍO XII participaron un total de 225 nenos e nenas escolarizados nos niveles de 4º, 5º e 6º de educación infanil e 150 de 1º e 2º de EP, realizando labores de plantación directas no invernadoiro pero estando este aberto a toda a comunidade educativa.
OBXECTIVOS ACADADOS
Concienciar ao alumnado participante da importancia do coidado e mantemento continuado da plantación.
Coñecer os nomes e características das verduras e hortalizas cultivadas.
Desenvolver un proceso de observación durante a evolución do crecemento dos cultivos.
Coñecer e realizar as tarefas propias dunha colleita: abonar e preparar a terra, plantar, regar, limpar herbas, quitar caracois,…
Transferir estes coñecementos á linguaxe plástica.
Fomentar no alumnado valores como o coidado do medio ambiente, unha alimentación saudable e a solidaridade.
Interactuar co alumnado doutros niveis educativos nun proxecto común.
Contribuír ao desenvolvemento de capacidades relativas á competencia social e cidadá.
CONTIDOS DESENVOLTOS
O cultivo ecolóxico.
Coñecemento de froitas, legumes e verduras: fresas, chícharos e repolos.
Realización da plantación: preparación da terra, abonado, sementado.
As froitas, hortalizas e verduras na alimentación.
Coidado e mantemento: regar, limpeza de herbas, quitar caracois,…
Función e importancia de institucións como a Cociña Económica.
Plantas ornamentais e beneficios dalgunhas plantas mediciñais.
Representación a través do debuxo de experiencias vivenciadas.
ACTIVIDADES REALIZADAS
O proxecto iniciouse co limpado e acondicionamento do invernadoiro xa que desde o verán a proliferación de herbas sempre é importante.
Aproveitamos a colaboración do alumnado de prácticas para realizar esta tarefa.
Engadimos o rego por goteo e tablóns que axudan a delimitar a zona de tránsito.
Organizamos a primeira plantación no mes de febreiro: fresas, chícharos e repolos. Cada neno e nena participante puxo a súa planta.
Realizamos un calendario de responsabilidade semanal sobre o coidado da plantación. Durante esa semana o grupo asignado, acompañado e supervisado pola persoa titora, era o responsable de regar, retirar herbas e caracois.
A evolución dos cultivos permite que sexa o alumnado o que se encarga das tarefas de limpado e mantemento.
Sin ser a solución idónea para os chícharos, que non trepan como as fabas, puxemos fíos que lles sirven de guía para poder continuar medrando.
A recollida da producción será a parte que nos permitirá debullar e degustar o noso traballo.
Unha vez máis, o destino dos chícharos e repolos será unha entidade que altruistamente xestione un comedor social.
A última parte do proxecto está centrada na ornamentación da “aula verde”
Non perdemos a ocasión de aprender “con” e “para” a natureza observando o comportamento das plantas pero tamén de caracois, lesmas, arañas, etc.
METODOLOXÍA
A metodoloxía foi de experimentación directa co traballo no horto.
A información necesaria para un correcto e máximo aproveitamento do horto foi, fundamentalmente, por parte da coordinadora hacia o profesorado e alumnado participante asesorada por Alejandro, membro do comité científico.
CONCLUSIÓNS
A valoración que realizamos da experiencia é altamente positiva sendo conscientes de que este é un proceso a longo prazo e que resulta necesaria unha continuidade neste tipo de propostas.
O vindeiro curso pretendemos redundar no aproveitamento didáctico do traballo no horto, ademais do eixo transversal (valores como o coidado do medio ambiente, educación para a saúde, solidaridade,..), para acadar obxectivos de diferentes áreas e ámbitos curriculares.
