Coñecemento de froitas, legumes e verduras: fresas, chícharos e repolos.
Realización da plantación: preparación da terra, abonado, sementado.
As froitas, hortalizas e verduras na alimentación.
Coidado e mantemento: regar, limpeza de herbas, quitar caracois,…
Formato dos textos prescriptivos.
Valoración e comparación do traballo e as acións dos iguais coas propias.
Función e importancia de institucións como a Cociña Económica.
Observación e coidado dun ourizo, un canciño e dous parrulos.
Plantas ornamentais.
Representación a través do debuxo e a banda deseñada de experiencias vivenciadas.
ACTIVIDADES REALIZADAS
O proxecto iniciouse co limpado e acondicionamento do invernadoiro xa que desde o verán a proliferación de herbas sempre é importante. Destacar que no verán entraron no recinto escolar rompendo partes do plástico do invernadoiro, a estación meteorolóxica e levantando as telas que cubrían o chan para frenar o crecemento de herba.
Instalamos un programador de rego que, engadido ao rego por goteo da pasada edición, facilita moito as labores.
Organizamos a primeira plantación no mes de novembro, repolos de Corazón de Boi. Cada neno e nena participante puxo a súa planta.
Realizamos un calendario de responsabilidade semanal sobre o coidado da plantación. Durante esa semana o grupo asignado, acompañado e supervisado pola persoa titora, era o responsable de supervisar o rego, retirar herbas e caracois.
A evolución dos cultivos permite que sexa o alumnado o que se encarga das tarefas de limpado e mantemento.
A colleita desta primeira plantación foi entregada polas nenas e nenos á Cociña Económica. Por parellas desplazámonos ata esa institución portando cada parella unha bolsa con repolos.
Nas aulas plantamos bulbos de Jacinto, que nos permiten desfrutar do seu cheiro e apreciar a súa efimeridade, e tamén de Narciso.
En semilleiros plantamos cenoura, leituga e romanescu para transplantalos no horto escolar. Que estén nas aulas permite unha observación diaria e continuada do proceso de crecemento. Esta proposta tamén nos sirveu para desenvolver outros contidos curriculares como o achegamento á lingua escrita a través dos textos prescriptivos.
A ornamentación da aula verde, ou da natureza, tamén é responsabilidade nosa: arrincamos herbas, retiramos follas, limpamos as prantas e plantamos bulbos de tulipán.
Tivemos na aula, en diferentes períodos, animais de moi diferentes características que, ademais de ser a ledicia das nenas e nenos permitíronnos observar o seu comportamento, ver as súas necesitades, vulnerabilidade e transferir o que aprendimos con eles á linguaxe plástica (debuxándoos) e á escrita (recollendo as nosas observacións e aprendizaxes).
En colaboración cunha ONG, que actúa en Guinea, empregamos pixamas aportados polas nenas e nenos para elabora bonecas que chegaron a nenas e nenos de idades similares ás nosas.
Visitamos o horto do IES Xelmírez para que o seu alumnado nos contase a súa experiencia, cal era o fin dos seus cultivos, como se organizan para traballar e plantexámoslle algunhas dúbidas a problemas que tiñamos nós como por exemplo: como podíamos loitar contra os caracois.
Non perdemos a ocasión de aprender “con” e “para” a natureza observando o comportamento das plantas pero tamén de caracois, lesmas, arañas ,etc.
