Actividades

-Se nos gustan os contos?

-Claro!

-Que temos aos mellores contadores e contadoras do mundo no noso cole?

-Por suposto! Para nós, insuperables.

Canto de especial teñen as historias contadas polas nosas familias!

Gracias a moreas a todas as que vos achegastes neste Samaín, facédesnos moi felices!

Ollade, premendo aquí, o moito que desfrutamos.

Conmemoramos o Día das Bibliotecas Escolares enchendo a nosa biblio de diferentes culturas e tradicións.

Familias de diversas nacionalidades explicáronnos aqueles aspectos máis relevantes do seu lugar de orixe, sendo o punto de partida do Proxecto Anual de Centro "Somos Diversidade". Ensináronnos moitas curiosidades e motiváronnos un montón, agora tócanos a nós seguir investigando!

Non podemos estar máis agradecidos ás familias participantes pola súa implicación, fixéstesnos pasar unha xornada súper especial!

Gracias, grazie, multumesc, thank you, شكرًا لكshkran lak!

Podes ver máis fotografías da xornada premendo aquí.

 Neste día das Letras Galegas 2024, coñecemos a figura de Luisa Villalta investigando sobre a súa vida e obra. Dadas unhas cuestións previas, cada aula cumpriu o reto de descubrir con que palabra relevante da vida da autora se correspondía. 

Este traballo, quedou reflectido neste mural colaborativo.

 Nas horas de lecer, as nosas compis de 6º Icía e Helena, axudáronnos cun obradoiro de creación de marcapáxinas monstruosos! 

Este curso o lema das Bibliotecas Escolares de Galicia é "Unha biblioteca escolar en viñetas", e quere poñer o foco na importancia do cómic para a formación do itinerario lector, o cómic como un lugar para encontrarse. 
Nós tamén quixemos facer os nosos cómics nun mural que nos serviu para decorar o recuncho sobre este tema.

Mirade, mirade!